मुंबई | पहाटेपासून मुंबईसह उपनगर, ठाणे, भिंवडी परिसरात मुसळधार पावसाने हजेरी लावली आहे. पावसामुळे मुंबईची लाईफलाईनवर कोणताही परिणाम झालेला नाही. मध्य, पश्चिम आणि हार्बर रेल्वे सेवा सुरळीतपणे सुरू आहेत. दक्षिण कोकण, दक्षिण मध्य महाराष्ट्र आणि मराठवाड्यात काही भागात पावसाने हजेरी लावली आहे. १२ जून पर्यंत मुंबईसह कोकणात मुसळधार पावसाची शक्यता हवामान विभागाने वर्तवलेली आहे.
Heavy rain lashes parts of #Maharashtra; pictures of water-logged streets in Thane's Kausa area. pic.twitter.com/Uik6LamXwc
— ANI (@ANI) June 8, 2018
मुंबई उपनगरामध्ये रात्रभरात सर्वाधिक पाऊस मुलुंड, भांडुप भागात झाल्याची नोंद आहे. याशिवाय कांजूरमार्ग, पवई, अंधेरी, वांद्रे परिसरात रिमझिम पाऊस सुरु आहे. तसेच भिवंडी शहर आणि ग्रामीण भागात रात्रीपासून मुसळधार पावसाला सुरुवात झाल्यामुळे सखल भागात पाणी साचले. ५० ते ६० घरात पावसाचे पाणी शिरले. जैतुनपुरा भागात इलेक्ट्रिक पोलचा शॉक लागून एकाचा मृत्यू झाला असून भिंवडीत वीज पुरवठा खंडित झाला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
