किन्होळा | चिखली तहसील अंतर्गत येणा-या किन्होळा येथे रविवारी 11 च्या सुमारास गावाजवळून अंदाजे 500 मीटर अंतरावर काही लोक एका शेतात काळविट आणि हरिण पकडून यांचे मटन विक्री करत आहे अशी गुप्त माहिती विजय भीकाजी भोसले वनपाल डोंगर खंडाळा , व्ही. बी. सावळे वनमजुर डोंगर खंडाळा , पी. एस. सावळे वनपाल डोंगर शेवली , शेख जाफर वाहन चालक यांना मिळाली. ते किन्होळा येथे घटनास्थळी दाखल झाले. घटनास्थळी पोहचताच त्या ठिकाणी 2 लोक होते वनाधिका-यांना पाहताच मास विक्री करणारे लोक सदर ठिकाणावरुन जंगलात पळून गेले. त्यांचा पाठलाग वन अधिका-यांनी केला परंतु त्यांना पकडण्यात अधिका-यांना अपयश आले आहे.
त्यानंतर त्या ठिकाणी पंचनामा करण्यात आला. एका काळविटाचे संपूर्ण मांस विकले गेले होते. त्याचे केवळ मुंडके राहिले होते तर दूसरे हरिण मृत अवस्थेत होते. त्याचे देखील मटन विकायची तयारी सुरु होती परंतु वनाधिकारी येताच एक हरण राहिले. त्या ठिकाणी काही पारधी लोक दररोज येत होते असे गावातील नागरिक सांगत होते. नंतर एक मृत हरिण आणि एका काळविटाचे मुंडके तसेच माप तराजू जमा करुण वनाधिकारी बुलडाणा येथे तपासणीसाठी घेऊन गेले. या ठिकाणी गावातील असंख्य नागरिक उपस्थित होते. या पुढील तपास वनपरिक्षेत्र अधिकारी जी. पी. टेकाळे करणार असल्याचे वनपाल अधिकारी विजय भीकाजी भोसले यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
