Connect with us

महाराष्ट्र

नोव्हेंबरच्या पहिल्या आठवड्यातच मार्केटमध्ये हापूस दाखल

Shweta Khamkar

Published

on

मुंबई । देवगडमधल्या हापूसची पहिली पेटी नोव्हेंबरच्या पहिल्या आठवड्यातच वाशी मार्केटमध्ये दाखल झाली आहे. देवगड येथील आंबा बागायतदार प्रकाश शिरसेकर यांनी ही पाठवली आहे. या पहिल्या हापूस पेटीला ७ हजार इतका दर मिळाला आहे.गेली दोन वर्षे प्रकाश शिरसेकर वाशी मार्केटला पेटी पाठवत आहेत. नोव्हेंबरच्या पहिल्या आठवड्यातच कोकणातील हापूस मुंबईत दाखल झाला आहे.

दरवर्षीप्रमाणे देवगडला हा मान मिळाला आहे. दिवाळीच्या पूर्वसंध्येला देवगड मधील संजय बाणे आणि प्रकाश शिरसेकर यांच्या बागेतील आंबा मुंबईला रवाना झाला आहे. विशेष म्हणजे या दोन्ही शेतकऱ्यांच्या बागेतील आंब्याला जुलैमध्येच मोहर आला होता. या मोहराचे व्यवस्थित संगोपन केल्याने नोव्हेंबरच्या पहिल्या आठवड्यात तयार आंबा घेणे त्यांना शक्य झाले.

महाराष्ट्र

गरज पडल्यास अध्यादेश काढून डान्सबार बंद करू !

News Desk

Published

on

मुंबई | सर्वोच्च न्यायालायने गुरुवारी (१७ जानेवारी) महाराष्ट्रातील डान्सबारवर बंदी उठवली असून डान्साबारवर लावण्यात आलेल्या सर्व अटी रद्द करण्यात आल्या आहे. या निर्णयाच्या पार्श्वभूमीवर राज्याचे अर्थमंत्री सुधीर मुनगंटीवार यांनी म्हटले की, गरज पडल्यास डान्सबार बंदीसाठी अध्यादेश काढणार असल्याचे स्पष्ट केले आहे. डान्सबार मालकांनी दाखल केलेल्या याचिकेवर सर्वोच्च न्यायालयाने हा निकाल दिला आहे.

सर्वोच्च न्यायालयाच्या आदेशाचा अभ्यास करून पुढील निर्णय घेण्यात येईल. त्यासाठी विधी व न्याय विभागाची मदत घेऊ आणि डान्सबारबाबत कठोर नियम करण्यात येतील, असे मुनगंटीवार म्हणाले आहेत. तसेच सर्वोच्च न्यायालयाने जरी बार सुरु करा सांगितले असले तरी पोलिसांना सूचना देऊन स्थानिक पातळीवर कायदे कठोर आणि नियम कडक केले जातील, असे मुख्यमंत्री देवेंद्र फडणवीस यांनी सांगितले.

सर्वोच्च न्यायालायने रद्द केलेले डान्स बारचे नियम

  • डान्सिंग एरियामध्ये सीसीटीव्ही लावण्याचा नियम सर्वोच्च न्यायालायने रद्द केला
  • बार आणि डान्सिंग एरिया वेगवेगळे ठेवण्याची अट देखील शिथिल
  • बारबालांना टीप देण्यास परवानगी देण्यात आली असली, तरी ते पैसे बारबालांवर पैसे उधळता येणार नाहीत
  • बारबालांना डान्स बारमध्ये अश्लील नृत्य करण्यास मनाई
  • बारबालांना टीप न देण्याची राज्य सरकारची अट रद्द
  • डान्स बारमध्ये दारु पिण्यावर राज्य सरकारने घातलेली बंदी उठवली
  • महाराष्ट्रात संध्याकाळी ६ ते रात्री ११.३० वाजेपर्यंत डान्स बार सुरु राहणार
  • डान्स बार हे धार्मिक स्थळे आणि शाळा यापासून किमान एक किलोमीटर दूर ठेवण्याची अटही मागे

 

Continue Reading

महाराष्ट्र

कोल्हापूरात एसटीचे महाराष्ट्रातील पहिले रेस्क्यू पथक, ३०० फूट खोल दरीत प्रात्यक्षिके

News Desk

Published

on

कोल्हापूर | ‘प्रवाशांच्या सेवेसाठी’ असे ब्रीदवाक्य असलेल्या एसटी महामंडळाने स्वतःची रेस्क्यू फोर्स तयार केली आहे. कोल्हापूर एस टी विभागाच्या पुढाकारातून अपघातग्रस्त एसटीतील प्रवाशांना तात्काळ मदत मिळावी, या उद्देशाने एसटी महामंडळाची राज्यातील पहिली रेस्क्यू टीम कोल्हापूर विभागाच्या वतीने प्रवाशांच्या मदतीसाठी तयार झालेली आहे. एसटीच्या या रेस्क्यू फॉर्स आज कोल्हापूरच्या भुईबावडा या घाटातील ३०० फूट खोल दरीत थरारक प्रात्यक्षिके केली आहेत.

ग्रामीण भागातील दळणवळणाचे एक महत्त्वाचे माध्यम म्हणजे एसटी. एसटी राज्याच्या कानाकोपऱ्यापर्यंत जाऊन प्रवाशांना सेवा देते. ही सेवा बजावत असताना अत्यंत दुर्गम अशा ठिकाणी आणि घाटात एसटीचे अपघात होत असतात. या अपघातात प्रवाशांना तात्काळ मदत व्हावी, जखमींना दवाखान्यापर्यंत लवकर पोचवले जावे, त्यांच्यावर तात्काळ उपचार व्हावेत यासाठी कोल्हापूर एसटी विभागाच्या वतीने स्वतःची रेस्क्यू टीम तयार केली आहे.

कोल्हापूरचे विभाग नियंत्रक पलंगे यांच्या मार्गदर्शनातून आणि गिर्यारोहक असणारा एसटी चालक अमोल अवळेकर यांच्या पुढाकाराने कोल्हापूर विभागातील ११ आगारातून १५ कर्मचाऱ्यांची निवड करून त्यांना आपत्कालीन प्रशिक्षण देऊन ट्रेन करण्यात आले आहे. एसटी महामंडळाची राज्यातील पहिली रेस्क्यू टीम कोल्हापूर विभागाच्या वतीने प्रवाशांच्या मदतीसाठी तयार झालेली आहे. त्यांनी आज कोल्हापूरच्या भुईबावडा घाटातील ३०० फूट खोल दरीत आपत्कालीन प्रत्यक्षिकांचा थरार करत सराव केला.

मूळचा एसटीचा चालक आणि स्वतःच गिर्यारोहक असलेल्या अमोल अवळेकर याने एसटीची स्वतःची रेस्क्यू टीम आपण तयार करू शकतो असा कर्मचाऱ्यांच्या मनात विश्वास निर्माण केला. यासाठी अमोल यांनी कोल्हापूर विभागातील ११ आगारा मधून १५ सक्षम कर्मचाऱ्यांची निवड करून त्यांना प्रशिक्षणही दिले. आता ते सर्वजण स्वतः खोल दरीत उतरून प्रवाशांचे प्राण वाचवण्यासाठी सज्ज झाले आहेत. कोल्हापूर विभागाने तयार केलेल्या या राज्यातील पहिल्या रेस्क्यू टीम चा आदर्श घेऊन आता प्रत्येक विभागाने स्वतःची रेस्क्यू टीम बनवल्यास अपघात ग्रस्त प्रवाशांना अधिक लवकर आणि जलद मदत मिळण्यास याचा नक्कीच उपयोग होणार आहे.

Continue Reading
Advertisement

HW Marathi Facebook

January 2019
M T W T F S S
« Dec    
 123456
78910111213
14151617181920
21222324252627
28293031  

महत्वाच्या बातम्या