नीरव मोदीचा अलिबागमधील बंगला जमीनदोस्त

अलिबाग । पंजाब नॅशनल बँकेला तब्बल १३,००० कोटींचा चुना लावून परदेशात पसार झालेला हिरा व्यापरी नीरव मोदी याचा अलिबाग तालुक्यातील कोळगाव समुद्र किनारी असलेला आलिशान बंगला आज (८ मार्च) सकाळी ९ वाजातच्या सुमारास जमीनदोस्त करण्यात आला आहे. मोदीचा हा बंगला पाडण्यासाठी १०० डायनामाइट्स वापरण्यात आला असल्याची माहिती मिळाली आहे.

Maharashtra: Authorities continue demolition of PNB scam accused Nirav Modi’s bungalow in Alibag, Raigad district. pic.twitter.com/Tyu5Anz1VQ

— ANI (@ANI) March 8, 2019

मुंबई उच्च न्यायालयातील २५ जानेवारीला झालेल्या सुनावणीदरम्यान रायगडचे जिल्हाधिकारी सूर्यवंशी यांनी सांगितले होते की, नीरव मोदींचा बंगला मजबूत असून तो उद्ध्वस्त करणे शक्य नाही. त्यामुळे डायनामाइट्सच्या सहाय्याने स्फोट घडवून हा बंगला जमीनदोस्त करण्यात आला आहे.

या कारवाईच्या वेळी ५० तांत्रिक अधिकारी व कर्मचारी कार्यरत होते. बंगल्याच्या विविध भागात अशा एकूण १०० डायनामाइट्स लावण्याचे काम काल (७ मार्च) पूर्ण केले होते. यानंतर फक्त आज सकाळी स्फोट करून हा बंगला जमीनदोस्त केला आहे. हा बंगला जमीनदोस्त करण्यासाठी पोलीस बंदोबस्त तैनात करण्यात आला होता.