मुंबई | राज्याचे कृषीमंत्री आणि भाजपचे ज्येष्ठ नेते पाडुरंग फुंडकर यांचे निधन झाले. मृत्यू समयी ते ६७ वर्षांचे होते. ह्रदयविकाराच्या झटक्याने त्यांचे गुरुवारी निधन झाले आहे. पहाटे सुमारे ४.३५ च्या दरम्यान फुंडकर यांची प्राण ज्योत मालवली. त्यांनी सोमय्या रुग्णालयात अखेरचा श्वास घेतला.गेल्या काही दिवसांपासून फुंडकर हे आजारी होते, ते लवकर बरे होतील असे सर्वांना वाटत असताना त्यांच्या निधनाची आलेली बातमी सर्वांसाठी धक्कादायक ठरली.
या वृत्ताने आपल्याला मोठा धक्का बसल्याचे भाजपचे प्रदेशाध्यक्ष रावसाहेब दानवे यांनी म्हटले आहे. पांडुरंग फुंडकर पक्षामध्ये भाऊसाहेब या नावाने परिचित होते. पांडुरंग फुंडकर यांनी तीन वेळा अकोला मतदारसंघाचे लोकसभेत प्रतिनिधीत्व केले होते. शांत, संयत व्यक्तिमत्व हे पांडुरंग फुंडकरांचे वैशिष्ट्य होते.
ही बातमी अत्यंत धक्कादायक असल्याचं राज्याचे महसूलमंत्री चंद्रकांत पाटील यांनी म्हटले आहे. भाजप राज्यात उभी करण्यात फुंडकर यांचे मोठे योगदान असलयाचेही ते म्हणालेत.
एका चांगल्या व्यक्तीला महाराष्ट्र मुकला असल्याची प्रतिक्रिया माजी उपमुख्यमंत्री अजित पवार यांनी दिली आहे. फुंडकर यांना शरद पवार यांच्याबद्दल अत्यंत आदर होता, आणि त्यांना शेतकऱ्यांच्या प्रश्नांची चांगली जाण होती असंही अजित पवार म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
