नवी दिल्ली । कोरोनाच्या दुसऱ्या लाटेने देशात हाहाकार माजला आहे. दिवसेंदिवस वाढणारी कोरोना रुग्णसंख्या धडकी भरवणारी आहे. याच पार्श्वभूमीवर, केंद्रीय आरोग्यमंत्रालयाने आज (९ मे) जारी केलेल्या आकडेवारीनुसार गेल्या २४ तासांत ४ लाखांहून अधिक नवीन रुग्णांची नोंद झाली आहे. तर याच एका दिवसातला कोरोनामुळे मृत पावलेल्यांचा आकडा आजही ४ हजारांच्या पार गेला आहे.
केंद्रीय आरोग्यमंत्रालयाने जारी केलेल्या आकडेवारीनुसार, गेल्या २४ तासांत देशात ४ लाख ३ हजार ७३८ नवीन कोरोना बाधित रुग्णांची नोंद झाली आहे. तर आणखी एक चिंताजनक बाब म्हणजे याच एका दिवसात सर्वाधिक तब्बल ४ हजार ९२ रुग्णांना आपला जीव गमवावा लागला आहे.
देशातील या आव्हानात्मक स्थिती एक दिलासादायक बाब अशी की, गेल्या २४ तासांत देशात ३ लाख ८६ हजार ४४४ जण कोरोनामुक्त होऊन घरी देखील परतले आहेत.
देशात आतापर्यंत एकूण २ कोटी २२ लाख ९६ हजार ४१४ कोरोनाबाधितांची नोंद झाली आहे. त्यापैकी १ कोटी ८३ लाख १७ हजार ४०४ रुग्ण बरे झाले आहेत. तर आतापर्यंत २ लाख ४२ हजार ३६२ रुग्णांनी कोरोनामुळे प्राण गमावले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
