नवी दिल्ली | कोरोनाच्या संकटामुळे अनेक परीक्षा रद्द केल्या तर काहींचे वेळापत्रक लांबणीवर गेले. अशातच स्थगित झालेल्या परीक्षेचे वेळापत्रक यूपीएससीने जाहीर केल्यानंतर एमपीएससीही याबाबत तत्परता का दाखवत नाही, असा प्रश्न विचारला जात आहे. एमपीएससी म्हणजे कुठला चौकशी आयोग नाही, ज्याने इतका वेळकाढूपणा करत राहावा, असे वक्तव्य काँग्रेस खासदार राजीव सातव यांनी केले आहे. लाखो विद्यार्थ्यांच्या भवितव्याशी निगडीत असलेल्या आयोगाचे तुम्ही सदस्य आहात, अशीही आठवण सातव यांनी यावेळी आयोगाला करुन दिली आहे.
कोरोनामुळे यूपीएससीच्या परीक्षेचे वेळापत्रक विस्कळीत झाले होते. पण यूपीएससीने काल (५ जून) वेळापत्रक जाहीर करुन विद्यार्थ्यांच्या मनातला संभ्रम दूर केला आहे. तसाच संभ्रम एमपीएससीनेही लवकरात लवकर दूर करावा अशी मागणी केली जात आहे.
यूपीएससीच्या परीक्षांच्या तारखा जाहीर होतात पण महाराष्ट्र लोकसेवा आयोगाच्या नाही, असं का? 'आयोगाच्या' सदस्यांनी लक्षात घ्यावं, आपण कोणत्या चौकशी आयोगाचे सदस्य नाही आहात की वेळकाढूपणा करत रहावा. लाखो विद्यार्थ्यांच्या भवितव्य निगडित असलेल्या आयोगाचे तुम्ही सदस्य आहात. pic.twitter.com/GFOCQVdUnJ
— MLC Dr.Pradnya Rajeev Satav (@SATAVRAJEEV) June 5, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
