आता तुम्हाला प्रश्न पडला असेल की, रायफली आणि आयईडीसारखी आधुनिक घातक उपकरणे वापरणारे नक्षली थेट घोड्यांचा वापर का करू लागले? पण त्यालाही कारणे आहेत. छत्तीसगडचा सीमावर्ती भाग हा उंच उंच डोंगररांगा आणि घनदाट जंगलांनी वेढलेला आहे. येथून गाड्या फिरवणे कठीण होऊन बसते. तसेच हा भूभाग दूरवर पसरलेला असल्यामुळे पायी प्रवास करणे किंवा मालाची वाहतूक करणेही जिकिरीचे होते. त्यामुळे येथील कुख्यात नक्षली आजही घोड्यांचा वापर करतात. त्यामुळेच या कारवाईत पोलिसांना नक्षलींचे घोडे मिळाले. नक्षलविरोधी कारवाईत घोडे हस्तगत करण्यात आल्याची ही पहिलीच घटना आहे.
गडचिरोली व छत्तीसगढमधील नारायणपूर सीमेवर अबुजमाड भागात शनिवारी दुपारी दोनच्या सुमारास नक्षलविरोधी अभियान राबविण्यात आले. त्या वेळी तुंडेवारा व कुपनार गावाजवळ नक्षल – पोलिसांमध्ये चकमक उडाली. या वेळी पोलिसांचा वाढता जोर पाहून नक्षलींनी तेथून काढता पाय घेतला. त्यांचे साहित्य जागीच टाकून ते पळाले. पोलिसांना घटनास्थळी तीन रायफली, सहा घोडे आणि अन्य नक्षली साहित्य मिळाले. या कारवाईत घोडे सापडल्याने या भागात भूपतीसारख्या नक्षल्यांच्या म्होरक्याचा वावर असल्याचा पोलिसांचा संशय आहे. दरम्यान, गेल्या महिन्याभरात विविध कारवायांत पोलिसांनी ४ नक्षलींना कंठस्नान घातले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
