नारायण राणेंकडून नव्या राजकीय पक्षाची घोषणा

मुंबई: ज्येष्ठे नेते नारायण राणे यांनी रविवारी नव्या पक्षाची घोषणा केली. महाराष्ट्र स्वाभिमान पक्ष असे त्यांच्या नव्या पक्षाचे नाव असेल. देऊ शब्द तो पुरा करू असे पक्षाचे ब्रिदवाक्य असेल. लवकरच या पक्षाची नोंदणी केली जाणार असून माझे लक्ष्य सत्ताधारी नसून विरोधक असल्याचे सांगत त्यांनी भाजपला अप्रत्यक्ष सहकार्य करण्याचे संकेत दिले. दरम्यान, राणे यांनी या वेळी उद्धव ठाकरे यांचा समाचार घेतला. उद्धव यांनी भ्रष्टाचाराच्या मुद्द्यावर बोलण्याचा कोणताही अधिकार नाही. सत्तेत राहायचे आणि टीकाही करायची, अशी दुहेरी भूमिका घेणे योग्य नसल्याचे त्यांनी या वेळी सांगितले. दरक

मी सत्तेत असलो तर सत्ताधाºयासारखी भूमिका घेईन आणि विरोधात असलो तरी विरोधकाची भूमिका घेईन असे त्यांनी सांगितले. पदासाठी मी काम करतो असे काही नाही. काँग्रेसनेच मला मुख्यमंत्रीपदाचे आश्वासन दिले होते, अशी आठवण राणेंनी करून दिली. माझी मुख्यमंत्रीपदाची महत्त्वाकांक्षा अजूनही कायम आहे, असेही त्यांनी नमूद केले. माझी आक्रमकता जन्मजात असून ती कधीच जाणार नाही. पदासाठी मी तडजोड करणार नाही असे त्यांनी सांगितले.