मुंबई | नाणार रायगडमध्ये होण्यासाठी चर्चा होत नसून तो राजापूरमध्ये व्हावा यासाठी प्रयत्न होत आहेत. मुख्यमंत्र्यांच्या नातेवाईकाने १४०० एकर जमिनीचा व्यवहार केल्याचा गंभीर आरोप भाजप नेते निलेश राणे यांनी केला आहे. तसेच, नाणार रिफायनरी आणि बारसू एमआयडीसीमधील जमीन घोटाळ्यातील नावे जाहीर करणार असल्याचा इशारा निलेश राणे यांनी दिला आहे. निलेश राणेंच्या आरोपाला शिवसेनेकडून प्रत्युत्तर देण्यात आलं आहे. निलेश राणे हे भाजपचे आऊटडेटेड झालेले नेते असून यांच्या वक्तव्याला कवडीचीही किंमत देत नाही, असा खोचक टोला शिवसेना खासदार विनायक राऊत यांनी लगावला आहे.
निलेश राणेंबाबत बोलताना विनायक राऊत यांनी म्हटलयं की, भाजपचे आऊटडेटेड झालेले नेते निलेश राणे यांनी मोठा जावईशोध लावला आहे. नाणार रिफायनरीबाबतच्या बैठका मंत्रालयात आणि वर्षावर होतात, असा दावा राणेंनी केला आहे. मात्र, त्यांच्या या आरोपांना आम्ही कवडीची किंमत देत नाही. त्यांनी केलेले आरोप बेछूट आणि पोरकटपणाचे आहेत. दुसरीकडे विनायक राऊतांना प्रत्युत्तर देताना निलेश राणे म्हणतात की , ‘खासदार विनायक राऊत यांना शिवसेनेत काडीची किंमत नसल्यामुळं जगामध्ये कोणालाच किंमत नाही असं त्यांना वाटतं. माझ्यावरचा त्यांचा राग मी समजू शकतो, असं निलेश राणे यांनी म्हटलं आहे.’
मीटरचोर खासदार विनायक राऊत याची गल्लीत आणि शिवसेनेत काडीची किंमत नसल्यामुळे जगामध्ये कोणालाच किंमत नाही असे त्याला वाटते. शिवसेनेचे पहिल्या क्रमांकाचे नेते ह्याला हड तुड करतात आणि दरवाज्यावर पण उभा करत नाही. माझ्यावर विनायकचा राग मी समजू शकतो कारण मला त्याची खरी लायकी माहिती आहे.
— Nilesh N Rane (@meNeeleshNRane) September 24, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
