मुंबई | कोरोनाचं महाभयंकर संकट अद्यापही टळलेलं नाही आणि त्यातच आता तिसरी लाट येण्याची शक्यता देखील वर्तवली जात आहे. तर दुसरीकडे कोरोनानंतर निपाह व्हायरसचा धोका वाढलेला दिसत आहे. २०१८ च्या सुरूवातीला केरळमध्ये निपाह व्हायरसने थैमान घातलं होतं. आणि फ्रुटस बॅट या प्रजातीचं वटवाघुळ निपाह व्हायरसचा नैसर्गिक प्रवाहक आहे. त्यामुळे जगभरात आता या व्हायरसमुळे थैमान पसरलं होतं. त्यानंतर आता महाराष्ट्रात प्रथमच वटवाघूळांमध्ये निपाह व्हायरस आढळला आहे.
राज्यातील वटवाघळांच्या दोन प्रजातींमध्ये निपाह व्हायरस आढळून आला आहे. तर राज्यातील वटवाघळांमध्ये निपाह व्हायरस आढळून येण्याची ही पहिलीच वेळ आहे. पुण्यातील नॅशनल इन्स्टिट्यूट ऑफ वायरोलॉजीच्या तज्ज्ञांनी याबद्दलचं संशोधन केलं आहे. निपाह व्हायरस असलेल्या वटवाघळांच्या प्रजाती साताऱ्यातल्या गुफेत मार्च २०२० मध्ये आढळून आल्या आहेत. निपाह व्हायरस वटवाघूळांमधून माणसांमध्ये संक्रमित होतो.
राज्यात कधीही वटवाघळांमध्ये निपाह व्हायरस आढळून आला नव्हता अशी माहिती याबद्दलचं संशोधन करणाऱ्या पथकाच्या प्रमुख डॉ. प्रज्ञा यादव यांनी दिली आहे. यावर कोणतीही लस आणि औषध नसल्यानं हा विषाणू धोकादायक मानला जातो. कोरोनाचा रिकव्हरी रेट ९० टक्क्यांच्या पुढे आहे. पण निपाह मृत्यूदर तब्बल ६५ टक्क्यांच्या पुढे आहे. दरम्यान, वटवाघुळ किंवा त्यांच्यामधील व्हायरस लोकांसाठी त्रासदायक असतीलच असे नाही. भारतामध्ये फ्रुट बॅटस याच्याही अनेक प्रजाती आहेत. यामध्ये ऑनीटेक्टेरिस स्पोलिया, ग्रेटर इंडियन फ्लाइंग फॉक्स, हिप्पोसिडेरस लार्वाटस आणि स्कॉटोफिलस कुहली या वटवाघुळांमध्ये निपाह व्हायरस आढळतो.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
