मुंबई | मुंबईत काल रात्रीपासून पडणाऱ्या पावसाने मुंबईची पुन्हा एकदा तुंबई झाली आहे. मुंबईत अनेक सखल भागात पाणी साचल्याने मुंबई महापालिका प्रशासनाने नालाईसफाईचा केलेला दावा फोल ठरला असं म्हटलं जात आहे. राज्यातील प्रमुख विरोधी पक्ष असलेल्या भाजपने सरकारला धारेवर धरले आहे. भाजप नेत्यांनी तर शिवसेनेला टार्गेट केले आहे.
शिवसेना आणि राणे परिवार यांच्यातील वाद सर्वांनाच माहीत आहे. शिवसेनेवर टीका करण्याची एकही संधी राणे सोडत नाहीत. आज मुंबई पावसाने तुंबल्यानंतर नारायण राणे यांचे दोन्ही सुपुत्र नितेश राणे आणि निलेश राणे यांनी शिवसेनेवर जोरदार प्रहार केला आहे.
नितेश राणे यांनी आपल्या ट्वीटद्वारे महापालिका प्रशासनाचे कौतुक करणा-या सेलिब्रिटींना चांगलेच झोडले आहे. मुंबई महापालिका आणि बेबी पेंग्विनच्या उत्कृष्ट कामाबद्दल ट्वीट आणि इंन्स्टाग्रामवर कौतुक करणारे सेलिब्रिटी याबद्दल काय बोलणार? का मुंबईवरील प्रेमापेक्षा पैसा आणि लबाडी जास्त प्रिय वाटते?, अशा शब्दांत नितेश राणे यांनी टीका केली आहे.
Can those paid celebs who tweet and post on Instagram abt the great work of @mybmc n baby penguin.. pls speak abt this too?
Or the love for Mumbai city is not as big as the greed for money n lies! pic.twitter.com/hMxzN9Wad4— nitesh rane (@NiteshNRane) June 9, 2021
तसेच निलेश राणे यांनी मुंबई महापालिका प्रशासनावर जोरदार टीका केली आहे. 100 टक्के नालेसफाई झाली असल्याचा दावा मुंबईच्या महापौर किशोरी पेडणेकर यांनी केला, मात्र आज हे चित्र आहे. दरवर्षी मुंबई शहराला स्विमिंग पूल करण्याचं काम जो पक्ष 25 वर्ष करतोय, त्या शिवसेनेचं नाव गिनीज बुक ऑफ वर्ल्ड रेकॉर्डमध्ये नोंदवलं पाहिजे. वाट लावली मुंबईची, अशी जोरदार टाकी निलेश राणे यांनी केली आहे.
काय म्हणाले आशिष शेलार?

तसेच भाजप आमदार आशिष शेलार यांनी सुद्धा सरकारवर जोरदार टीका केली आहे. मुंबईत दरवर्षीप्रमाणे पाणी तुंबलं आहे. घरात पाणी शिरू लागलंय. नालेसफाई कधी 107%, कधी 104% दाव्यांचे आकडे मोठ-मोठ्याने “वाझे”… पहिल्या पावसातच “कटकमिशन”चे सगळे व्यवहार उघडे! मुंबईकर हो!
सत्ताधीशांचा हा वसुलीचा नाद खुळा, नेमेची येतो पावसाळा… पाच वर्षांत 1 हजार कोटींचा घोटाळा!! अशी टीका आशिष शेलार यांनी केली आहे. डेब्रीजच्या गोण्या जशाच्या-तशा नाल्यात पावसाचे पाणी मुंबईकरांच्या घरात… आणि मलाईच्या गोण्या मात्र कंत्राटदारांच्या खिशात! आता तरी मुंबईकरांची खरी काळजी करा!, अशीही टीका शेलार यांनी केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
