HW News Marathi
महाराष्ट्र

विधानपरिषदेच्या चार जागांचा आज निकाल

मुंबई | विधानपरिषदेच्या चार चागांसाठी झालेल्या मतदानाचा आज निकाल जाहीर होणार आहे. मुंबई पदवीधर, मुंबई शिक्षक, कोकण पदवीधर आणि नाशिक विभाग शिक्षक मतदारसंघाच्या जागांचा निकाल जाहीर होणार आहे. सकाळी ८ वाजल्यापासून मतमोजणीला सुरुवात झाली आहे. या निवडणुकीत कोण विजयी होणार याकडे सर्वांचे लक्ष लागले आहे.

कोकण पदवीधर मतदारसंघात प्रतिष्ठेची लढाई

विधानपरिषदेच्या चार जागापैकी कोकण पदवीधर मतदारसंघात राष्ट्रवादी काँग्रेस आणि भाजप यांच्यात प्रतिष्ठेची लढाई मानली जाते. कारण निरंजन डावखरे यांनी राष्ट्रवादी काँग्रेसमधून भाजपमध्ये प्रवेश केला आहे. त्यामुळे डावखरे यांना हारविण्यासाठी राष्ट्रवादीने नजीब मुल्ला यांना समोर उभे केले आहे.

मुंबई पदवीधर मतदारसंघात तिरंगी लढत

मुंबई पदवीधर मतदारसंघात शिवसेना, मनसे आणि भाजप या पक्षांनी निवडणुकीसाठी सर्व ताकद लावली आहे. मुख्यमंत्री देवेंद्र फडणवीस, शिवसेना पक्षप्रमुख उद्धव ठाकरे आणि मंत्रिमंडळातील इतर मंत्र्यांनी ही निवडणूक जिंकण्यासाठी संपूर्ण ताकद पणाला लावली आहे. या मतदारसंघात भाजपने अॅड. अमितकुमार मेहता, शिवसेनेचे विलास पोतनीस आणि मनसे राजू बंडगर उमेदवार आहेत.

मुंबई शिक्षक मतदारसंघ

शिवसेनेचे शिवाजी शेंडगे, लोकभारतीचे कपिल पाटील आणि भाजपचे अनिल देशमुख या तिन्ही उमेदवारांमध्ये लढत आहे. यात नक्की कोणत्या पक्षचा विजयी होईल, याकडे सर्वांचे लक्ष लागले आहे.

नाशिक मतदारसंघ

काँग्रेस आणि राष्ट्रवादी काँग्रेसच्या आघाडीचे उमेदवार संदीप बेडसे, शिवसेनेच्या वतीने विधानपरिषदेत नुकतेच विजयी झालेल्या नरेंद्र दराडे यांचे बंधू किशोर दराडे आणि भाजपचे अनिकेत पाटील यांनी हे उमेदवार आहेत.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

पुण्याची श्रुती श्रीखंडे ‘कंम्बाइन्ड डिफेन्स सर्व्हिसेस’ परीक्षेत देशात पहिली

swarit

सोमय्यांच्या घरी मुंबई पोलीस दाखल, उद्या चौकशीला हजर राहण्याचे समन्स

Aprna

मराठी अभिनेत्री सुरेखा कुडची राष्ट्रवादीत!

News Desk