नवी दिल्ली | पंतप्रधान नरेंद्र मोदी यांच्या नेतृत्वाखाली देशात NDA सरकार असताना भाजपव्यतिरिक्त इतर पक्षांचेही मंत्री देशात होते.मात्र केंद्रीय मंत्री रामविलास पासवान यांच्या मृत्यूनंतर पंतप्रधान मोदींच्या मंत्रिमंडळात मित्र पक्षांचं स्थान कमकुवत झालेले आहे. मोदींचे आत्ताचे मंत्रिमंडळ हे फक्त नावापुरतं एनडीएचं (राष्ट्रीय लोकशाही आघाडी) मंत्रिमंडळ आहे. पासवानांच्या मृत्यूनंतर केंद्रीय मंत्रिमंडळात केवळ एकच मंत्री हे गैरभाजपचे आहेत. उर्वरीत सर्व मंत्री हे भाजपचे आहेत.केंद्रीय मंत्री रामदास आठवले हे फक्त भाजपव्यतिरिक्त मंत्री मोदींच्या मंत्रिमंडळात आहेत.
दरम्यान शेतकऱ्यांबाबतची कृषी विधेयके संमत केल्याच्या कारणावरून काही दिवसांपूर्वीच अकाली दलच्या हरसिमरत कौर केंद्रीय मंत्रीपदाचा राजीनामा दिला आहे. दरम्यान लोजपाचे रामविलास पासवान यांचे निधन झाले आहे. त्यामुळे आता केंद्रीय मंत्रिमंडळात केवळ एक मंत्री गैरभाजप पक्षाचे आहेत. रिपब्लिकन पार्टी ऑफ इंडियाचे अध्यक्ष रामदास आठवले केंद्रिय मंत्रीमंडळात सामाजिक न्याय राज्यमंत्री आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
