बीड | बहिणीबरोबर प्रेम विवाह केल्यामुळे सख्या मेहुण्याचा धारदार शस्त्राने खून केल्याची ऑनरकिलिंगची घटना बीडमध्ये (१९ डिसेंबर) घडली होती. या प्रकरणात खुनाचा कट रचण्यात सहभागी असलेल्या कृष्णा क्षीरसागर याला बीड पोलिसांनी अटक केले असून सोमवारी (२४ डिसेंबर) न्यायालयात हजर केले जाणार आहे. या खून प्रकरणातील मुख्य आरोपी बालाजी लांडगे आणि संकेत वाघ हे दोघे अद्याप फरार आहेत.
बीड येथील एका महाविद्यालयात शिक्षण घेत आसताना सुमित वाघमारे आणि भाग्यश्री लांडगे यांचे प्रेम सबंध जुळले. घरच्यांचा लग्नाला विरोध असतानाही दोन महिन्यांपूर्वी पळून जावून लग्न केले होते. दरम्यान १९ डिसेंबर रोजी भाग्यश्री आणि सुमित परीक्षा देण्यासाठी आदित्य इंजिनिअरिंग कॉलेज येथे आले होते. यावेळी भाग्यश्रीचा भाऊ बालाजी लांडगे व संकेत वाघ या दोघांनी सुमित वाघमारे याच्यावर धारदार शस्त्राने हल्ला केला. यात गंभीर जखमी झालेल्या सुमितचा मृत्यू झाल्याने मोठी खळबळ उडाली होती.
या प्रकरणातील मुख्य आरोपी बालाजी लांडगे आणि संकेत वाघमारे पोलिसांना सापडलेले नाहीत. आरोपी सापडत नसल्याने पोलिसांवर सर्व स्तारातून टीका होत असताना सोमवार सकाळी ऑनरकिलिंग प्रकरणाच्या कटात सहभाग असलेल्या कृष्णा क्षीरसागर याला पोलिसांनी अटक केली. कृष्णाला बेड्या ठोकल्याने मुख्य आरोपींपर्यंत पोलिसांना पोहचण्यास मदत होणार आहे. यामुळे तपासालाही गती आल्याचे पोलिसांकडून सांगण्यात येत आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
