पुणे | भाजप नेते तथा माजी मंत्री गिरीश महाजन यांच्या विरोधात ५ लाखांच्या खंडणी प्रकरणी महाजन यांच्यासह २८ जणांविरोधात पोलिसांत गुन्हा दाखल झाला आहे. पुण्यातील कोथरुढ पोलिस ठाण्यात हा गुन्हा दाखल करण्यात आला आहे. जळगाव जिल्हा मराठी विद्याप्रसारक सहकारी समाज संस्थेच्या संचालकांचे अपहरण करुन त्यांना चाकूचा धाक दाखवून राजीनामा देण्यासाठी दबाव आणल्याचा त्यांच्यावर आरोप आहे. त्याचबरोबर ५ लाखांच्या खंडणीप्रकरणी महाजन यांच्यासह २८ जणांविरोधात पोलिस स्‍टेशनमध्ये गुन्हा दाखल झाला आहे.
या फिर्यादीत अ‍ॅड. विजय भास्कर पाटील यांनी असे म्हटले होते की, ते जळगाव येथील मराठा विद्याप्रसारक सहकारी समाज मर्यादित संस्था जळगावचे संचालक आहेत. दरम्यान त्यांना पुण्यात संस्थेची कागदपत्रे देण्याच्या बहाण्याने बोलावून घेतले. ते पुण्यात आल्यानंतर त्यांना शिवीगाळ करत दमदाटी करण्यास सुरुवात केली होती. तसंच त्यांना गाडीत जबरदस्तीने बसवत सदाशिव पेठेत असलेल्या एका फ्लॅटवर नेण्यात आले होते.
त्या ठिकाणी त्यांना मारहाण करत गळ्याला आणि पोटाला चाकू लावला. फिर्यादी यांच्यासोबत असलेल्याला देखील त्यांनी या ठिकाणी डांबले. तर सर्व संचालकांचे राजीनामे आणले नाही तर एमपीडीएच्या गुन्ह्यात अडकवण्याची धमकी देत पाच लाख रुपयांची खंडणी घेतली होती.
हा प्रकार जानेवारी २०१८ ते जानेवारी २०२१ या कालावधीत घडला होता. परंतु, त्यांनी तक्रार उशिरा केली आहे. याप्रकरणी आ. गिरीश महाजन, रामेश्‍वर नाईक, निलेश भोईटे यांच्यासह एकूण २८ जणांवर निंभोरा येथे गुन्हा दाखल करण्यात येऊन तो कोथरूडला वर्ग करण्यात आला होता. यानंतर आता कोथरूड स्थानकात या प्रकरणी गुन्हा नोंदवण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
