पुणे | राज्यात कोरोनाबाधितांचा आकडा हा ४ हजारांच्या पुढे गेला आहे. राज्यात सगळ्यात जास्त कोरोनाबाधित हे सद्यस्थितीला पुणे आणि मुंबईत आहेत. दरम्यान, पुण्यात आज (२० एप्रिल) ८० नवे कोरोनाबाधित रुग्ण आढळले आहेत. नायडू रुग्णालयात ४६, ससून १९, रुबी ५, बारती ४, डीएचएम आणि केईएम या रुग्णालयात प्रत्येकी २ तर जहांगीर आणि बुधराणीत प्रत्येकी १ एसे एकूण ८० कोरोनाबाधितांवर उपचार सुरु आहे. सध्या पुण्यातील कोरोनाबाधितांची संख्या ही ६६६ झाल्याची माहिती पुण्याचे महापौर मुरलीधर मोहोळ यांनी ट्विटरद्वारे दिली आहे.
पुण्यात नवे ८० कोरोनाबाधित तर दोन दिवसांत मृत्यूची नोंद नाही !
पुणे शहरात नव्याने ८० कोरिनाबाधित रुग्ण आढळले असून नायडू ४६, ससून १९, रुबी ५, भारती ४, DHM आणि केईएम प्रत्येकी २ तर जहांगीर आणि बुधराणी प्रत्येकी १ असा तपशील आहे.
पुणे एकूण कोरोनाबाधित : ६६६
— Murlidhar Mohol (@mohol_murlidhar) April 20, 2020
पण, दिलासादायक, बाब म्हणजे पुण्यात आज १३ जण कोरोनामुक्त झाले आहेत. या सर्वांच्या १४ दिवसांनंतरची दुसरी कोरोना टेस्ट ही निगेटिव्ह आली आहे. त्यामूळे या सगळ्यांना रुग्णालयातून डिस्चार्ज देण्याता आला आहे. आत्तापर्यंत पुण्यातील कोरोनामुक्तांची संख्या ही ६८ इतकी झाली आहे.
पुण्यात आज १३ रुग्ण कोरोनामुक्त !
पुणे शहरात आज १३ रुग्ण कोरोनामुक्त झाले असून सर्वांच्या १४ दिवसांनंतरच्या दोन्ही टेस्ट निगेटीव्ह आल्या असल्याने त्यांना डिस्चार्ज देण्यात आला आहे. गेल्या चार दिवसांत शहरात ४० रुग्ण कोरोनामुक्त झाले असून एकूण संख्या ६८ इतकी झाली आहे.
— Murlidhar Mohol (@mohol_murlidhar) April 20, 2020
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
