पुणे | महापालिकेच्या सभेत दहा कोटी रुपयांच्या प्रस्तावावरुन सत्ताधारी भारतीय पक्ष आणि महाराष्ट्र नवनिर्माण सेनेच्या दोन्ही पक्षांच्या नगरसेवकांमध्ये राजकारण चांगलेच तापले आहे. “माझ्यावर बिनबुडाचे आरोप करू नयेत. नाही तर, आतापर्यंत वसंत मोरे यांची दोस्ती बघितली, पण आता दुश्‍मनीही बघावी लागेल,” वसंत मोरे यांनी असा दम भरला आहे.
महापालिका हद्दीबाहेर मांगडेवाडी, भिलारेवाडी, निंबाळकरवाडी आणि कात्रज तलावात येणारे मैलापाणी रोखण्यासाठी दहा कोटी रुपयांच्या सांडपाणी वाहिन्या टाकण्याचा प्रस्ताव मनिषा कदम यांनी मांडला होता. हा प्रस्ताव पालिकेच्या हद्दीबाहेरील मंजूरी होण्यावर प्रश्न चिन्ह उभी राहिली होती. या प्रस्तावर चर्चा दरम्यान मोरे आणि मनिषा कदम यांच्यात आरोप-प्रत्यारोप सुरु होते.
दीड महिन्यांपूर्वी प्रस्ताव सभेत आला तेव्हा कात्रज तलावाच्या कामाकडे दुर्लक्ष करीत हद्दीबाहेरील गावांना एवढा निधी देण्यास मोरे यांनी विरोध केला. त्यामुळे या प्रस्तावावर मतदान झाले. त्यावेळी मोरेंनी विरोधात तर,राष्ट्रवादी कॉंग्रेस आणि कॉंग्रेसने तटस्थ राहण्याची भूमिका घेतली.
पालिका सभागृहात पुन्हा हा प्रस्ताव लोकांच्या मागणीनुसार मांडण्यात आला. मात्र, ‘काही मंडळी राजकीय द्वेषापोटी कामात खोडा घालत आहेत. कामे अडविण्याचा जाणीपूर्वक प्रयत्न ते करीत आहेत. ते योग्य नाही,’ अशा शब्दांत नगरसेविका मनिषा कदम यांनी मोरेंवर हल्ला केला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
