मुंबई | कोरोनाच्या पार्श्वभूमीवर आरोग्य यंत्रणा अथक परिश्रम करत आहे. लोकांच्या घरोघरी जाऊन चाचण्या घेणे, कम्युनिटी क्लिनिकच्या माध्यमातून अनेक खासगी डॉक्टर काम करत आहेत. या डॉक्टरांच्या सुरुक्षिततेसाठी पीपीई किट्स आणि काही वैद्यकीय उपकरणांची मागणी शिवसेनेचे खासदार राहुल शेवाळे यांनी केली आहे. या संदर्भात त्यांनी मुख्यमंत्र्यांना एक पत्रही लिहीले आहे.
सामाजिक बांधिलकी जपत, राज्य सरकार आणि मुंबई महानगरपालिका प्रशासनाच्या कोरोना विरोधातील लढ्यात सामील झालेल्या खासगी डॉक्टरांना विमा संरक्षण मिळावे अशी लेखी मागणी आदरणीय मुख्यमंत्री श्री. उद्धवजी ठाकरे यांच्याकडे केली.#WarAgainstVirus@CMOMaharashtra @ShivSena pic.twitter.com/iLR5f5unUz
— Rahul Shewale – राहुल शेवाळे (@shewale_rahul) April 16, 2020
अनेक खासगी डॉक्टर्स पालिकेच्या समन्वयातून घरोघरी जाऊन नागरिकांच्या चाचण्या करत आहेत. सामाजिक बांधिलकी जपत हे खासगी डॉक्टर्स पालिकेच्या समन्वयातून मुंबईत कोरोनाचे जे हॉटस्पॉट आहेत त्या बागात जाऊन लोकांच्या चाचण्या करत आहेत. त्यामूळे त्यांना विमा कवच देण्याची घोषणा केंद्र सरकारच्यावतीने करण्यात आली आहे. तसेच राज्यातील सरकारी कर्मचाऱ्यांनाही विमा संरक्षण आहे. त्याचसोबत, कोरोना युद्धाचा सामना करणाऱ्या खासगी डॉक्टरांनाही विमा संरक्षण द्यावे. विम्याबरोबरच खासगी डॉक्टरांना पीपीई किट आणि वैद्यकीय उपकरणे देण्याची मागणीही खासदार शेवाळे यांनी पत्राद्वारे मुख्यमंत्र्यांकडे केली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
