कोल्हापूर – स्वाभिमानी शेतकरी संघटनेशी काडीमोड घेतल्यानंतर कृषी राज्यमंत्री सदाभाऊ खोत यांनी नव्या संघटनेच्या स्थापनेचे संकेत दिले होते. त्यामुळे गुरुवारी घटस्थापनेच्या मुहूर्तावर खोत यांनी त्यांच्या रयत क्रांती संघटना या नव्या संघटनेच्या नावाची घोषणा केली आहे. शेतकरी आणि कष्टकºयांच्या न्याय हक्कासाठी लढणारी आपली संघटना असेल. वेळप्रसंगी सरकारच्या चुकीच्या धोरणांविरोधातही आपण आवाज उठवणार असल्याचे त्यांनी माध्यमांशी बोलताना म्हटले आहे. कृषी राज्यमंत्री सदाभाऊ खोत यांनी वेगळी चूल मांडल्यानंतर त्यांच्यासोबत कोण जाणार याची खलबते सुरू आहेत. यावर बोलताना खोत यांनी जे कार्यकर्ते आपल्या सोबत येतील त्यांना सामावून आपण पुढे जाणार असल्याचे म्हटले आहे. दरम्यान, दिवंगत शेतकरी नेते शरद जोशी आपले एकमात्र गुरु असल्याचे सांगत, शेती प्रश्नांवर लढण्यासाठी त्यांनीच वैचारीक पायाभरणी केली आहे. त्यामुळे संघटनेचा बिल्ला आपल्या छातीवर कायम असेल असे खोत यांनी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
ठाणे अंडरवर्ल्ड दाऊद इब्राहिमचा भाऊ इक्बाल कासकरसोबत त्याच्या बहिणीचा दीर इकबाल पारकर, मोहम्मद हुसैन ख्वाजा शेख (ड्रग डीलर), फर्नांडो असे आणखी तिघांना अटक करण्यात आली आहे.अशी माहिती ठाणे पोलीस आयुक्त परमवीर सिंह यांनी दिली.