जळगावात | विधानसभा निवडणुकीत पंकजा मुंडे आणि रोहिणी खडसे यांच्या पराभवामागे पक्षांतर्ग नेते जबाबदार असल्याचा आरोप भाजपचे ज्येष्ठ नेते एकनाथ खडसे यांनी केला होता. खडसेंच्या खळबळजनक आरोपामुळे राज्याच्या राजकीय वर्तुळात उलट सुलट चर्चेला उधाण आले. या पार्श्वभूमीवर भाजपचे संकटमोचक म्हणून ओळखले जाणारे माजी मंत्री गिरीश महाजन यांनी खडसेंच्या आरोपाचे खंडन केले आहे.
महाजन म्हणाले की, “कुणीच कुणाला पाडत नसते. मुक्ताईनगर मतदारसंघातून खडसे हे यापूर्वी १२०० आणि त्यानंतर ८५०० हजार मतांनी निवडून आले आहेत. यंदा खडसेंना पक्षश्रेष्ठीकडून तिकीट नकारत त्यांची मुलगी रोहिणी खडसेंना तिकीट देण्यात आले. . सर्व भाजपच्या कार्यकर्त्यांनी जोमाने काम केले. यंदाची मुक्ताईनगरमधील निवडणुकीत अटीतटीचा सामना होता. शिवसेना, राष्ट्रवादी काँग्रेस आणि काँग्रेस हे तिन्ही पक्ष तिथे एकत्र आले होते. त्यामुळे रोहिणी खडसेंना पराभवाचा सामना करावा लागला,” असे महाजन आज (६ डिसेंबर) जळगावमध्ये आयोजित पत्रकार परिषदेत म्हणाले.
भाजपमधील सर्वात महत्त्वाची पदे ओबीसींकडे
महाजन पुढे म्हणाले, “भाजपमधून १२ आमदार बाहेर पडणार असल्याच्या अफवा पसरवल्या जात आहेत. आमच्या पक्षातून एकही आमदार बाहेर पडणार नाही, असा दावा देखील त्यांनी केला. भाजपमधील सर्वात महत्त्वाची पदे ओबीसींकडे आहेत. आपण स्वत: ओबीसी आहोत. कुणी पक्ष सोडून जाईन, नाराज आहेत, अपयश आल्याने थोडे दिवस असे घडत असते, असेही ते म्हणाले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
