बीड | बीडमधील केज तालुक्यातील मांगवडगाव परिसरात शेतीच्या भांडणातून पारधी समाजाच्या ३ व्यक्तींचा निर्घृण खून तर २ गंभीर जखमी झाल्याची धक्कादायक घटना समोर आली आहे. या प्रकरणी निंबाळकर कुटुंबातील १४ व्यक्तींना पोलिसांनी ताब्यात घेतल्याची खात्रीलायक माहिती आहे. या हत्याकांडापूर्वी पारधी समाजातील व्यक्तींना पळून जाता येऊ नये म्हणून त्यांच्या मोटार सायकलीसुद्धा जाळून टाकल्या होत्या. या प्रकरणानंतर घटनास्थळाला पोलीस अधीक्षक हर्ष पोद्दार यांनी भेट दिली. ३० ते ४० हल्लेखोर हे ट्रॅक्टरने आले व त्यांनी पाठलाग करून हा हल्ला केल्याची प्राथमिक माहिती आहे. त्यापैकी १४ जणांना पोलिसांनी ताब्यात घेतले आले. मयत बाबू शंकर पवार, प्रकाश बाबू पवार, संजय बाबू पवार हे ३ जण आहेत. घटनास्थळी पोलीस अधीक्षक हर्ष पोद्दार, अप्पर पोलीस अधीक्षक स्वाती भोर यांच्यासह पोलीस घटनास्थळी तळ ठोकून आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
