मुंबई | मराठा आरक्षण मिळावे यासाठी गेल्या दिड वर्षापासून विविध प्रकारे मराठा समाजातील लोक आंदोलन करताना पहायला मिळत आहेत. त्यातच गेल्या काही दिवसांपासून वारंवार ठिय्या आंदोलनाला महाराष्ट्रात सुरुवात झाल्याचे पहायला मिळत होते. आरक्षणासाठी लाखोंच्या संख्येने ५८ मुक मोर्चे मुंबईसह महाराष्ट्रभरात काढल्यानंतरही सरकारने मराठा समाजाच्या तोंडाला पाने पुसली.
याच रागातून संतापलेल्या मराठ्यांनी मुक नाहीतर ठोक मोर्चा काढण्याचा निर्णय घेतला त्यामुळे २४ जुलै आणि २५ जुलै रोजी मुंबईसह महाराष्ट्र भरात आंदोलन पेटले होते. या आंदोलनाचे तीव्र पडसाद उमटलेले पहायला मिळाले. दरम्यान २ आंदोलकांनी आत्महत्या करुन जीव देखील गमावले. त्यामुळे हा बंद अधिक तीव्र झाला होता.
राज्यभर मराठा आरक्षणाचे आंदोलन चिघळले त्यामुळे काही ठिकाणी आंदोलनाला हिंसक वळण लागले होते. त्या पार्श्वभूमीवर मराठा आरक्षणासाठी सकल मराठा समाजाकडून आज मुंबई, ठाणे, कल्याणसह अनेक ठिकाणी बंद पुकारण्यात आला होता. तसेच पालघर, रायगड येथेही उद्या बंद पुकारण्यात आला होता. मुंबई येथे मराठा क्रांती मोर्चाच्या समन्‍वयकांच्‍या बैठकीत हा निर्णय घेण्‍यात आला होता. मुंबईतील बंदचे पडसाद राज्यभर उमटत असतानाच साताऱ्यात आंदोलकांनी पोलिसांवर दगडफेक केली. तर नवी मुंबईतील कळंबोली येथे पोलिसांनी जमावाला पांगवण्यासाठी हवेत गोळीबार केला.
मुंबईतील आंदोलनाला हिंसक वळण प्राप्त होताना दिसताच मराठा क्रांती मोर्चाच्या समन्वयकांनी बंद स्थगित करण्याचा निर्णय घेतला. पत्रकार परिषद घेऊन तशी अधिकृत घोषणा देखील करण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
