मुंबई | राष्ट्रवादी काँग्रेस पक्षाचे प्रदेशाध्यक्ष सुनील तटकरे यांची राष्ट्रीय सरचिटणीस पदावर नियुक्ती करण्यात आली आहे. अध्यक्ष शरद पवार यांनी तटकरे यांची निवड केली असून तशा आशयाचे पत्र पक्षाचे जनरल सेक्रेटरी तारीक अन्वर यांनी सुनिल तटकरे आणि प्रदेश कार्यालयात गुरुवारी पाठवले.
गेली ४ वर्षे सुनिल तटकरे यांच्याकडे पक्षाच्या प्रदेशाध्यक्षपदाची जबाबदारी होती. तटकरे यांच्या कामाची दखल घेऊन त्यांच्याकडे राष्ट्रीय सरचिटणीस पदाची जबाबदारी दिली जात असल्याचे राष्ट्रवादीने दिलेल्या प्रसिद्धीपत्रकात म्हटले आहे.
तटकरेंची राष्ट्रीय सरचिटणीस पदी नियुक्ती झाल्याने प्रदेशाध्यक्षपद रिक्त झाले असून. राष्ट्रवादीच्या प्रदेश अध्यक्ष पदासाठी माजी अर्थमंत्री जयंत पाटील व दिलीप वळसे पाटील यांच्या पैकी एका नावाची वर्णी लागण्याची शक्यता असल्याची चर्चा सध्या राजकीय वर्तुळात रंगली आहे. पक्षात नविन प्रदेश अध्यक्ष कोण असणार याची घोषणा 29 एप्रिल रोजी पुण्यात होणा-या पक्षाच्या बैठकीत केली जाणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
