नवी दिल्ली- २०१९ च्या लोकसभा निवडणुकीत अखिलेश यादव आणि मायावती एकत्र येण्याची शक्यता आहे. असे घडल्यास भाजप सत्तेतून हद्दपार होईल, असा इशारा लालू प्रसाद यादव यांनी दिला. बुधवारी राष्ट्रीय जनता दलाचा स्थापना दिवस साजरा करण्यात आला. यानिमित्त लालूप्रसाद यादव यांनी प्रसारमाध्यमांशीही संवाद साधला. प्रियंका गांधी, रॉबर्ट वडेरा, अरविंद केजरीवाल, ममता बॅनर्जी असो किंवा लालूप्रसाद यादव आणि त्यांचे कुटुंबीय असो, केंद्र सरकारकडून विरोधकांची कोंडी करण्याचा प्रयत्न सुरू असल्याचा आरोप लालूप्रसाद यादव यांनी केला. २०१९ च्या लोकसभा निवडणुकीबाबत यादव म्हणाले, समाजवादी पक्षाचे अखिलेश यादव आणि बहुजन समाज पक्षाचे मायावती हे दोघे एकत्र येण्याची शक्यता आहे. हे दोघे एकत्र आल्यास भाजप सत्तेतून हद्दपार होईल, असा इशारा त्यांनी दिला.
केंद्र सरकारविरोधात विरोधक एकत्र आले आहेत. राष्ट्रपतीपदाच्या निवडणुकीत याची सुरुवात झाली. काँग्रेससह १७ पक्षांची एकजूट झाली आहे. तर नितीशकुमार यांच्या जनता दल संयुक्तने काँग्रेसशी फारकत घेत भाजपशी जवळीक साधली आहे. त्यामुळे २०१९ च्या निवडणुकीत विरोधकांना एकत्र आणण्याचे लालूप्रसाद यादव यांचे प्रयत्न यशस्वी होतात का याकडे सर्वांचे लक्ष लागले आहे. यापूर्वी उत्तर प्रदेशमधील विधानसभा निवडणुकीच्या समाजवादी पक्ष आणि बहुजन समाज पक्ष एकत्र येतील, अशी चिन्हे होती. खुद्द अखिलेश यादव यांनी या वृत्ताला दुजोरा दिलेला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
