मुंबई। नववर्षात पौष शाकंभरी पौर्णिमेला म्हणजे आज (१० जानेवारी) रात्री पहिले छायाकल्प चंद्रग्रहण होणार आहे. हे चंद्रग्रहण संपूर्ण भारतातून दिसणार असल्याची माहिती खगोल अभ्यासकांनी दिली आहे. आज रात्री १०.३८वाजता चंद्रबिंब पृथ्वीच्या विरळ छायेमध्ये येण्यास सुरुवात होणार आहे. त्यानंतर, १२.४० वाजता ८९ टक्के चंद्रबिंब पृथ्वीच्या विरळ छायेमध्ये प्रवेश करणार आहे. या वेळी मध्यरात्री २.४५ वाजता संपूर्ण चंद्रबिंब पृथ्वीच्या विरळ छायेतून बाहेर पडणार असल्याची माहिती खगोलशास्त्रज्ञांनी दिली आहे.
हे छायाकल्प चंद्रग्रहण विशेष चष्म्याऐवजी उघडया डोळ्यांनीदेखील पाहता येणार असल्याची माहिती खगोलशास्त्रज्ञांनी दिली आहे. पौर्णिमा असूनही ग्रहणात चंद्रबिंब कमी तेजस्वी दिसेल. हे छायाकल्प चंद्रग्रहण उत्तर अमेरिकेचा उत्तर पश्चिम भाग, आशिया, ऑस्ट्रेलिया, यूरोप आणि दक्षिण अमेरिकेचा पूर्व भाग येथून दिसेल, असेही खगोलशास्त्रज्ञांनी सांगितले आहे.
छायाकल्प चंद्रग्रहण म्हणजे काय
चंद्र ग्रहणाचे तीन प्रकार असतात. पहिला पूर्ण चंद्र ग्रहण, दुसरे आंशिक चंद्र ग्रहण आणि तीसरे छायाकल्प चंद्र ग्रहण.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
