पुणे | महाराष्ट्र कोरोनाचा प्रादुर्भाव वेगाने वाढत आहे. राज्यातील मुंबई आणि पुणे ही कोरोनाची हॉटस्पॉट बनली आहेत. कोरोनाविरुद्धच्या लढाईत आपल्या जीवाची पर्वा न करता कर्तव्य बजावणाऱ्या पोलिसांना कोरोनाची लागण झाली आहे. यात राज्यात कोरोनामुळे ४ पोलीस कर्मचाऱ्यांना आपला जीव गमवावा लागला तर पुण्यात कोरोनामुळे पहिला पोलीस कर्मचाऱ्याचा मृत्यू झाल्याची घटना आज (४ मे ) घडली आहे. पुण्यात आज फरासखाना पोलीस ठाण्याचे सहायक पोलीस फौजदार दिलीप पोपट लोंढे (५७ वर्षीय ) यांना कोरोनाची लागण झाली होती.
पुण्यातील फरासखाना पोलीस स्टेशनचे सहाय्यक पोलीस उपनिरीक्षक श्री दिलीप पोपट लोंढे (५७) यांचा कोरोना विरुद्ध लढताना मृत्यू झाला.
महाराष्ट्र पोलीस महासंचालक व महाराष्ट्र पोलीस दलाचे सर्व अधिकारी आणि कर्मचारी त्यांच्या कुटुंबियांप्रति सहानुभूती व्यक्त करत आहेत.— Maharashtra Police (@DGPMaharashtra) May 4, 2020
लोंढेंना धनकवडी येथील भारती रुग्णालयात उपचार सुरू होते. काही दिवसांपूर्वीच वय वर्ष ५५ वरील पोलीस कर्मचाऱ्यांना कर्तव्यावर येण्यास मनाई करण्यात आली आहे. आज दुपारी दीड वाजता लोंढ यांचा मृत्यू झाला. पुण्यातील कोरोनाबाधित मृतांचा आकडा १०६ वर पोहोचला आहे. यापूर्वी कोरोना विषाणूचा संसर्ग झाल्याने हेड कॉन्स्टेबल चंद्रकांत पेंदुरकर, संदीप सुर्वे आणि कॉन्टेबल शिवाजी सोनावणे यांचा मुंबईत मृत्यू झाला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
