कोल्हापूर | पंचगंगा नदीच्या नदीपात्रात महापालिकेचा व प्रदूषण नियंत्रण मंडळाचा निषेध करत नदी किनारी जागतिक फुटबॉल स्पर्धा शिये येथील हनुमान नगर पंचगंगा पुला खाली नदीपात्रात भरवली. यावेळी अनेक फूटबॉल खेळाडू उपस्थित होते. दिवसेंदिवस पंचगंगेचे पाणी विषारी होत आहे. या नदीच्या पाण्यात सांडपाणी,मैला सोडला जातो , नदी किणारी असलेल्या कारखाण्यांचे दूषित पाणी देखील या नदीत सोडले जाते. यामुळे नदी प्रदूषित झाली असून जलपर्णीमुळे नदीची आताची स्थिती क्रीडांगणासारखी झाली आहे. याला जबाबदार फक्त कोल्हापूर महापालिका व प्रदूषण नियंत्रण मंडळ असल्याचे म्हणत या फुटबॉल स्पर्धेचे आयोजन करण्यात आले होते.
यावेळी शिवसैनिकांनी महापालिकेच्या व प्रदूषण नियंत्रण महामंळाच्या विरोधात जोरात घोषणाबाजी केली. या आंदोलनात जिल्हा प्रमुख संजय पवार,विजय देवणे याच्या नेतृत्वाखाली अनेक लोक सहभागी झाले होते. या ठिकाणी असलेल्या दूषित पाण्याचे नमुने प्रदूषण नियंत्रण मंडळाचे उपप्रादेशिक अधिकारी प्रशांत गायकवाड,क्षेत्र अधिकारी. संजय मोरे अविनाश कडले यांना घेण्यासाठी शिवसेना पदाधिकऱ्यानी भाग पाडले. त्यामुळे त्यांनी परिक्षणासाठी यावेळी पाण्याचे नमुने देखील घेतले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
