HW News Marathi
महाराष्ट्र

महाराष्ट्र राज्याचे चौथे महिला धोरण अंतिम टप्प्यात! – यशोमती ठाकूर

सातारा। प्रतापगडावर छत्रपती शिवाजी महाराजांच्या अश्वारूढ पुतळ्याचरणी महिला धोरणाचा मसुदा अर्पण करून महाराष्ट्र राज्याचे चौथे महिला धोरण अंतिम टप्प्यात आहे, असे महिला व बालविकास मंत्री ॲड. यशोमती ठाकूर यांनी सांगितले.

महिला धोरण आणणारं महाराष्ट्र हे पहिलं राज्य आहे, मात्र आता महिला धोरणाची अंमलबजावणी करणारं पहिलं राज्य अशीही महाराष्ट्राची ओळख नवीन धोरणामुळे होणार आहे. महिलांसोबत LGBTQ ( इतर लिंगी समुदाय ) समुदायाचा या धोरणात आवर्जून समावेश करण्यात आलेला आहे. असा समावेश असलेले हे बहुधा देशातील पहिलेच धोरण आहे. महिला धोरण हे केवळ कागदावरच राहणार नाही, तर माननीय मुख्यमंत्री यांच्या अध्यक्षतेखाली एक उच्चस्तरीय समिती त्यावर देखरेख करणार आहे. शिवाय महिला व बाल विकास मंत्र्यांच्या अध्यक्षतेखाली एक टास्क फोर्सही स्थापन करण्यात येणार आहे. यामुळे या धोरणाच्या अंमलबजावणीवर काटेकोर लक्ष राहिल तसेच, या धोरणात आखून दिलेल्या उद्दिष्टांची पूर्तताही युद्धपातळीवर होऊ शकेल.या धोरणामुळे जेंडर बजेटची संकल्पना ही अधिक प्रभावीपणे राबवता येईल, असा विश्वास राज्याच्या महिला व बालविकास मंत्री ॲड. यशोमती ठाकूर यांनी व्यक्त केला आहे.

चौथ्या सुधारित महिला धोरणाच्या निर्मितीत महाराष्ट्रातील अनेक मान्यवरांनी, लोकप्रतिनिधींनी, तज्ज्ञांनी, संयुक्त राष्ट्रसंघाच्या महिला संघटनेने, युनिसेफ तसेच अनेक स्वयंसेवी संस्थांनी सक्रिय सहभाग घेतलेला असल्याचेही ॲड. यशोमती ठाकूर यांनी यावेळी सांगितले.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
Some error occurred

Related posts

राज्याचा अर्थसंकल्प शेतकरी, कष्टकरी, मजूर, कामगार, उद्योगांना दिलासा देणारा! – मंत्री छगन भुजबळ

Aprna

अलमट्टी धरणावर बंधारे बांधल्यास कोल्हापूर–सांगली जिल्ह्यात विपरीत परिणाम; कर्नाटक सरकारला तात्काळ वस्तुस्थिती कळविणार! – उपमुख्यमंत्री

Aprna

धुळे-नंदुरबारचा आजचा निकाल म्हणजे उद्याच्या राजकारणाची दिशा आहे –  प्रविण दरेकर

News Desk