शिर्डीः येथील श्रीसाईबाबा यांच्या समाधीच्या शताब्दी वर्षानिमित्त देश विदेशात विविध कार्यक्रम आयोजित करण्यात येत आहेत. याचच एक भाग म्हणून साईबाबांच्या पादुका जगभरात विविध ठिकाणी दर्शनासाठी उपलब्ध करून देण्यात येणार आहेत.
साईबाबांनी देह ठेवला त्याला १८ ऑक्टोबर २०१८ रोजी शंभर वर्षे पूर्ण होत आहेत. हा शतकी टप्पा संस्मरणीय पद्धतीने साजरा करण्यासाठी १ ऑक्टोबर २०१७ ते १८ ऑक्टोबर २०१८ हा कालावधी ‘श्री साईबाबा समाधी शताब्दी वर्ष’ म्हणून साजरा करण्याचे संस्थानने ठरवले आहे.
यानिमित्त संस्थानच्या वतीने साईपादुका दर्शन सोहळ्याचे आयोजन महाराष्ट्रातील प्रत्येक जिल्ह्यासह संपूर्ण देशभरात प्रत्येक राज्यात विविध शहरांमध्ये व जगातील २५ देशांमध्ये तेथील साई मंदिरांमार्फत करण्यात येणार आहे. अशाप्रकारचा कार्यक्रम आयोजित करू इच्छित असलेल्या ट्रस्टच्या/संस्थांनी आपल्या संपूर्ण माहितीसह उपजिल्हाधिकारी व शताब्दी कक्ष यांच्याशी संपर्क साधावा, असे आवाहन श्री साईबाबा संस्थान विश्वस्त व्यवस्थेचे अध्यक्ष डॉ. सुरेश हावरे यांनी केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
