युती तुटल्यानंतर पहिल्यांदाच मुख्यमंत्री म्हणून उद्धव ठाकरेंनी मोदी, शहांचे स्वागत

पुणे । विधानसभा निवडणुकीनंतर युतीत फुट पडल्यावर पहिल्यांदाच पंतप्रधान नरेंद्र मोदी आणि गृहमंत्री अमित शहा यांचे हसत मुखाने राज्याचे मुख्यमंत्री उद्धव ठाकरे म्हणून पुण्याच्या विमानतळावर स्वागत केले. यावेळी विधानसभेचे विरोधी पक्षनेते देवेंद्र फडणवीस यांनी मोदींच्या स्वागतासाठी उपस्थित होते. देशभरातील पोलीस महासंचालकांच्या येत्या तीन दिवसांची परिषद पुण्यात आयोजन करण्यात आली आहे. या परिषदेसाठी पंतप्रधान नरेंद्र मोदी आणि केंद्रीय गृहमंत्री अमित शहा काल (६ डिसेंबर) पुण्यात आले आहे.

देशभरातील पोलीस महासंचालकांच्या तीन दिवसांच्या परिषदेचे आयोजन यावर्षी पुण्यात करण्यात आले आहे. या परिषदेच्या निमित्ताने पंतप्रधान नरेंद्र मोदी दोन दिवस तर गृहमंत्री अमित शहा तीन दिवस पुण्यात असणार आहेत. पुण्यातील पाषाण भागातील पोलीस रिसर्च सेंटर आणि आयसर या दोन संस्थांमध्ये ही तीन दिवसीय परिषद चालणार आहे. पंतप्रधान आणि गृहमंत्र्यासोबत राष्ट्रीय सुरक्षा सल्लागार अजित डोवल , गुप्तचर विभागाचे प्रमुख अरविंद कुमार , गृविभागातील वरिष्ठ अधिकारी आणि देशातील वेगवगेळ्या राज्यांचे पोलीस महासंचालक उपस्थित राहणार आहेत.

निवडणुकीनंतर भाजप-शिवसेना यांच्या अडीच अडीच वर्ष मुख्यमंत्रिपदावरून सत्ता संघर्ष निर्माण झाला होता. या पाश्वभूमीव शिवसेना एनडीएतून बाहेर पडली असून आता काँग्रेस-राष्ट्रवादी-शिवसेना महाविकासआघाडीच्या रुपाने राज्यात नवे राजकीय समीकरण पहायला मिळले आहे. महाविकासआघाडीचे नेतृत्व शिवसेना पक्षप्रमुख उद्धव ठाकरे करत आहेत.

पोलीस महासंचालकांच्या परिषदेसाठी मान्यवरांची उपस्थिती

यावेळी महापौर मुरलीधर मोहोळ, खासदार संजय काकडे, सिद्धार्थ शिरोळे, सुनील कांबळे तसेच मुख्य सचिव अजोय मेहता, पोलीस महासंचालक सुबोध कुमार जैसवाल, गुप्त वार्ता विभागाचे संचालक अरविंद कुमार, एअर कमांडर राहुल भसीन, पोलीस आयुक्त डॉ. के. व्यंकटेशम, लेफ्टनंट जनरल दीपेंद्रसिंग आहुजा, जिल्हाधिकारी नवल किशोर राम तसेच योगेश गोगावले, जयंत येरवडेकर, गणेश बिडकर आदी उपस्थित होते. देशातील पोलीस महासंचालक यांच्या राष्ट्रीय पातळीवरील परिषदेला उपस्थित राहण्यासाठी प्रधानमंत्री नरेंद्र मोदी यांचे पुण्यात आले आहेत.