महाराष्ट्रात उर्दू माध्यमांच्या शाळा १८ जूनला सुरू होणार

मुंबई | शैक्षणिक वर्ष यंदा 15 जूनपासून सुरु होत आहे. परंतु 16 जूनला रमजान ईद असल्याने राज्यातील सर्व उर्दू माध्यमांच्या शाळांना 2 दिवसांची सूट देण्याचा निर्णय शालेय शिक्षण विभागाने घेतला आहे. त्यामुळे उर्दू शाळांच्या शैक्षणिक वर्षाची सुरूवात यंदा 18 जूनला होणार असल्याचे शिक्षण विभागाकडून स्पष्ट करण्यात आले आहे. राज्यात विदर्भ वगळता नवीन शैक्षणिक वर्षाची सुरूवात ही 15 जूनपासून होणार आहे.

अपवादानेच या उर्दू शाळांना यंदा ईदची सुट्टी येत असल्याने त्यांना 2 दिवसांची मुभा देण्यात आली आहे. या निर्णयामुळे राज्यातील सर्व उर्दू माध्यमांच्या शाळा या 15 जूनऐवजी आता 18 जूनला सुरू होणार आहेत. मात्र, इतर शाळा या 15 जूनपासूनच सुरू होतील. त्यात कोणताही बदल करण्यात आला नसल्याची माहिती राज्य शिक्षण मंडळाने काढलेल्या एका परिपत्रकात दिली आहे.