मुंबई | संजय लीला भन्साळी दिग्दर्शित ‘पद्मावत’ला देशभरातील अनेक राज्यांमध्ये करणी सेनेने विरोध केलेला असतानाच आता महाराष्ट्र नवनिर्माण सेनेने या वादात उडी घेतली असून या चित्रपटाला पाठिंबा दर्शवला आहे.
पद्मावतला सेन्सॉर बोर्ड आणि सुप्रीम कोर्टाने दिलासा दिलेला असताना करणी सेनेने त्याला विरोध करणे चुकीचे आहे, असे सांगत मनसेच्या सरचिटणीस व महाराष्ट्र नवनिर्माण चित्रपट कर्मचारी सेनेच्या कार्याध्यक्षा शालिनी ठाकरे यांनी ‘मुंबईसह महाराष्ट्रात ‘पद्मावत’ प्रदर्शित होण्यासाठी आवश्यकता भासल्यास मनसे सज्ज असेल,’ असे मत व्यक्त केले आहे.
सुप्रीम कोटार्ने पद्मावत सिनेमा सर्व राज्यांमध्ये रिलीज करण्याचे आदेश दिले आहेत. मात्र गुजरातमध्ये हा सिनेमा रिलीज न होण्याची चिन्हं आहेत. कारण नुकसानीच्या भीतीने मल्टीप्लेक्स मालकांनी सिनेमा रिलीज न करण्याचा निर्णय घेतला आहे. “देशाचे पंतप्रधान ज्या राज्याचे आहेत, त्या राज्यातच जर कायदा व सुव्यवस्था राखली जाणार नसेल, त्या राज्यातच जर सिनेमा प्रदर्शित होणार नसेल तर इतर राज्यांमध्ये कायदा-सुव्यवस्थेची किती वाईट स्थिती असेल, याचा विचारही करवत नाही” अशी टीकाही शालिनी ठाकरे यांनी केली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
