उत्तम बाबळे
नांदेड – स्वामी रामानंद तीर्थ मराठवाडा विद्यापीठातील रसायनशास्त्र संकुलामध्ये एम.एस्सी. (रसायनशास्त्र) या पदव्युत्तर अभ्यासक्रमासाठी एकुण सहा स्पेशलाइजेशनच्या शंभर जागेकरिता बी.एस्सी. (रसायनशास्त्र) उत्तीर्ण विद्यार्थ्यांना पदवी परीक्षेच्या विषयातील गुणवत्ता क्रमानुसार प्रवेश दिला जात असे. विद्यार्थ्यांमध्ये प्रवेशासाठी असलेली वाढती स्पर्धा लक्षात घेता, येत्या शैक्षणिक वर्षे २०१७-२०१८ करिता एम.एस्सी. प्रवेशाकरिता शनिवार, दि.१७ जून रोजी ऑफलाईन पद्धतीने प्रवेश परीक्षा घेण्यात येणार आहे.
प्रवेश परीक्षेतील गुणवत्ता यादी नुसार व प्रवेशाकरिता असलेल्या नियमानुसार यावर्षी शंभर जागेकरिता एम.एस्सी. रसायनशास्त्र प्रथम वर्षाकरिता प्रवेश दिला जाईल. ही प्रवेश परीक्षा बि.एस्सी. रसायनशास्त्र विषयाच्या अभ्यासक्रमावर आधारित असून एमसीक्यू पद्धतीने रसायनशास्त्र संकुलात घेण्यात येणार आहे. याविषयाची अधिक माहिती विद्यापीठाच्या संकेतस्थळावर उपलब्ध आहे, अशी माहिती संकुलाच्या संचालिका डॉ संगीता माकोने यांनी दिली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
