
मयत सलीम शेख
गौतम वाघ :उल्हासनगर – अवघ्या तेराशे रूपयांच्या उधारीच्या पैशां वरुन एका मित्रानेच मित्राचा चाकू खुपसून खून केल्याची घटना उल्हासनगरातील हिललाईन पोलिस ठाण्याच्या हद्दित घडली आहे. फरार झालेल्या आरोपीला अवघ्या सहा तासात बेड्या ठोकण्याची कामगिरी पोलिसांनी केली आहे.
खेमानी परिसरात राहणारा संतोष वाघमारे आणि तानाजी नगरात राहणारा सलीम शेख हे दोघे जिवलग मित्र. दोघेही गर्दुल्ले असून विवाहित आहेत.सलीमने संतोष कडून उधारी रूपये घेतले होते.त्यापैकी तेराशे रूपये बाकी होते. ते मागण्यासाठी संतोष हा सलीमच्या घरी गेला. त्याला बाहेर बोलावले. दोघात वाद झाल्यावर संतोष चाकूने सलीमच्या छातीत खुपसला आणि पळ काढला. सलीमला मध्यवर्ती शासकीय रुग्णालयात दाखल करण्यात आले. तिथे त्याचा मृत्यु झाला. दरम्यान खेमानी मधील संतोष वाघमारे याने सलिमचा खून केल्याचे स्पष्ट झाल्यावर पोलिसांनी खेमानी परिसर पिंजून काढून आरोपी संतोष वाघमारे याला बेड्या ठोकल्या. या प्रकरणाचा तपास सहाय्यक पोलिस निरिक्षक मनोज चव्हाण करत असून उदया सोमवारी आरोपीला न्यायालयात हजर केले जाणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
