Connect with us

मुंबई

पूर्व उपनगरांमधील उड्डाणपूलांखाली साकारणार ९ उद्याने

News Desk

Published

on

मुंबई | पालिका क्षेत्रातील पूर्व उपनगरांमध्ये विविध ठिकाणी असणा-या उड्डाणपूलांच्या खालील मोकळ्या जागेत ९ उद्याने करण्याचे प्रस्तावित करण्यात आले आहे. एकूण १ लाख ७९ हजार चौरस फुटांपेक्षा अधिक आकाराच्या असणा-या या ९ उद्यानांमध्ये विविध रंगी झाडे, हिरवळ बसण्यासाठी बाक, जॉगिंग ट्रॅक, लहान मुलांसाठी खेळणी, कुंपण इत्यादी बाबी असणार आहेत. याच सोबत या उद्यानांमध्ये कमी वीज खर्चात प्रकाश देणा-या ‘एलईडी’ सारख्या दिव्यांचा वापर करुन आकर्षक रोशणाई देखील केली जाणार आहे.

उद्यानांमध्ये झाडे लावताना ती वेगवेगळ्या रंगाची असतील याकडे हेतुतः लक्ष देऊन उद्यान अधिकाधिक आकर्षक करण्याचा प्रयत्न असणार आहे. यासाठी हेमालिया, दुरांटा, प्लंबॅगो, माल्पिजिया, ऍकॅलिफा, क्रोटॉन, बोगनवेल, सॅप्लेरा, फायकस, ऍरेका पाम, राफीस पाम आणि इक्झोरा यासारखी विविध रंगी झाडे या उद्यानांमध्ये लावली जाणार आहेत, अशी माहिती उद्यान अधीक्षक जितेंद्र परदेशी यांनी दिली आहे.

पूर्व उपनगरांमधील उड्डाणपूलांखालील ९ ठिकाणचा परिसर हिरवागार व आकर्षक दिसण्यासह पर्यावरणाचे जतनही साधले जावे, यासाठी पालिकेच्या उद्यान खात्याद्वारे उड्डाणपूलांखाली अभिनव उद्याने विकसित करण्याचे प्रस्तावित करण्यात आले आहे ‘सातांक्रूझ चेंबूर लिंक रोड’वरील उड्डाणपूल ‘एल’ विभागात कुर्ला पूर्व परिसरातील भारती नगरच्या जवळ असणा-या ‘सातांक्रूझ चेंबूर लिंक रोड’वरील उड्डाणपूलाखाली असणा-या १० हजार २२५ चौरस फुटांच्या मोकळ्या जागेत उद्यानासह सौदर्यींकरण केले जाणार आहे. याठिकाणी वेगवेगळ्या रंगांच्या झाडांसह बसण्यासाठी बाक, कुंपण इत्यादी बाबी असणार आहेत.

‘मानखुर्द ‘टी जंक्शन’ उड्डाणपूल – ‘एम पूर्व’ विभागातील महाराष्ट्र नगर परिसरात मानखुर्द ‘टी जंक्शन’ येथे शीव- पनवेल महामार्गावर उड्डाणपूल आहे. या उड्डाणपूलाखाली असणा-या सुमारे ७९ हजार २५४ चौरस फुटांच्या मोकळ्या जागेत उद्यानासह जॉगिंग ट्रॅक, हिरवळ, विद्युत दिव्यांची आकर्षक रोषणाई, लहान मुलांसाठी खेळणी इत्यादी बाबी प्रस्तावित करण्यात आल्या आहेत. त्याचसोबत या उद्यानामध्ये असणा-या उड्डाणपूलाच्या खांबावर ‘उभे उद्यान’ देखील साकारण्यात येणार आहे. फ्री वे उड्डाणपूल, गोवंडी – पूर्व मुक्त मार्गाच्या उड्डाणपुलाखाली व ‘एम पूर्व’ विभागातील गोवंडी परिसरात बोर्बा देवी चौकाजवळ सुमारे १७ हजार २२२ चौरस फुटांच्या मोकळ्या जागेत अभिनव उद्यान आकारास येणार आहे.

या उद्यानात बहुरंगी झाडे-झुडपे, झाडांपासून तयार केलेल्या विविध आकाराच्या आकर्षक रचना आदी असणार आहेत ‘रामकृष्ण चेंबूरकर मार्ग उड्डाणपूल’, ‘एम पूर्व’ विभागातील वाशी नाका परिसराजवळ असणा-या रामकृष्ण चेंबूरकर मार्गावर उड्डाणपूल आहे. उड्डाणपूलाच्या खालीसुमारे ११ हजार ८४० चौरस फुटांच्या जागेत एक उद्यान साकारले जाणार आहे. या उद्यानाच्या सभोवताली संरक्षक भिंत बांधण्यात येणार आहे. याचसोबत या उद्यानात येणा-या नागरिकांना धावण्यासाठी किंवा जलद चालण्यासाठी जॉगिंग ट्रॅक असणार आहे.

याव्यतिरिक्त एलईडी विद्युत दिव्यांची आकर्षक रोशणाई देखील येथे केली जाणार आहे ‘अमर महाल जंक्शन उड्डाणपूल’ – ‘एम पश्चिम’ विभागातील अमर महाल जंक्शनजवळ येथील ‘सांताक्रूज चेंबूर लिंक रोड’वर असणा-या उड्डाणपूला खालील ३७ हजार ६७३ चौरस फुटांच्या जागेत उद्यान विकसित येणार आहेत. या उद्यानात विविध रंगी झाडांसह झाडांची वैशिष्ट्यपूर्ण छाटणी करुन वेगवेगळे आकर्षक आकार  साकारले जाणार आहे. याच बरोबर या उद्यानामध्ये असणा-या उड्डाणपूलाच्या खांबांवर ‘उभे उद्यान’असणार असून उद्यानात येणा-यांना बसण्यासाठी बाक, अंतर्गत मार्गिका देखील असणार आहेत. अंधेरी घाटकोपर लिंक रोड’वरील मेट्रो पूलाखालील ४ उद्याने – ‘एन’ विभाग कार्यक्षेत्रात अंधेरी घाटकोपर लिंक रोडवरील मेट्रोच्या पूलाखाली वेगवेगळ्या ४ ठिकाणी ४ छोटे बगीचे प्रस्तावित करण्यात आले आहेत.

यापैकी ११ हजार ३६६ चौरस फूटांचे एक उद्यान हे असल्फा स्टेशन जवळ; तर ७ हजार १७६ चौरस फूट व २ हजार ८११ चौरस फूटांची दोन उद्याने जागृती नगर स्टेशन जवळ प्रस्तावित आहेत. याव्यतिरिक्त १ हजार ५०६ चौरस फूट जागेतील चौथे उद्यानही याच मेट्रो पुलाखाली तयार करण्याचे प्रस्तावित करण्यात आले आहे. या चारही उद्यानांचे एकूण क्षेत्रफळ २२ हजार ८५९ चौरस फूट एवढे असणार आहे. या उद्यानांमध्ये देखील बहुरंगी झाडा-झुडपांसह सोयी सुविधा असणार आहेत.पूर्व उपनगरांतील विविध उड्डाणपुलांखाली ९ उद्याने साकारण्याचे प्रस्तावित करण्यात आले आहे. या ९ उद्यानांपैकी २ उद्यानांमध्ये उड्डाणपूलांच्या आधार खांबांवर ‘उभी उद्याने’ देखील असणार आहेत. या उद्यानांतील झाडांसाठी पाणी व उद्यानांच्या इतर आवश्यक परिरक्षणासाठी देखील तरतूद प्रस्तावित करण्यात आली आहे.

उद्यानांमध्ये सुर्यास्तानंतरच्या प्रकाश व्यवस्थेसाठी विद्युत दिव्यांची रोशणाई करण्याचे प्रस्तावित करण्यात आले असून यासाठी तुलनेने कमी वीज लागणारे एल.ई.डी. प्रकारातील दिवे प्राधान्याने बसविण्यात येणार आहेत. या उद्यांनांच्या उभारणीसाठी रुपये ७ कोटी ३३ लाख एवढा खर्च अंदाजित आहे. याबाबतची निविदा प्रक्रिया सध्या अंतिम टप्प्यात आहे. निविदा प्रक्रियेसह आवश्यक ती प्रशासकीय प्रक्रिया पूर्ण झाल्यानंतर आणि मा. स्थायी समितीच्या मंजूरीनंतर कार्यादेश देण्यात येतील. कार्यादेश दिल्यापासून ३ ते ४ महिन्यात संबंधित काम पूर्ण होणे अपेक्षित असेल, अशी माहिती उद्यान अधीक्षक जितेंद्र परदेशी यांनी दिली आहे पूर्व उपनगरांमध्ये विविध उड्डाणपूलांखाली असणा-या ९ ठिकाणच्या मोकळ्या जागांमध्ये फुलणा-या उद्यानांमध्ये आकर्षक रंगसंगती साधली जाऊन सार्वजनिक परिसरांचे सुशोभिकरण साध्य व्हावे, यासाठी हेतुतः विविधरंगी झाडे-झुडपे लावण्यात येणार आहेत.

Advertisement

मुंबई

#PulwamaAttack : नालासोपाऱ्यातील ‘रेल रोको आंदोलन’ अखेर मागे

News Desk

Published

on

मुंबई | जम्मू-काश्मीरमधील पुलवामा जिल्ह्यातील अवंतीपोरा भागात सीआरपीएफच्या ताफ्यावर दशतवाद्यांनी गुरुवारी (१४ फेब्रुवारी) झालेल्या हल्ल्यात ४० जवान शहीद झाले आहे. नालासोपाऱ्यात सकाळी ८ वाजल्पासून ते दुपारी १२ वाजेपर्यंत रेल रोको आंदोलन सुरू होते. पोलिसांनी अखेर बळचा वापर करून रेल रोको आंदोलन मागे घेतले. हे रेल रोको आंदोलन जवळपास ४ तासानंतर मागे घेण्यात आले. त्यामुळे चार तासांनतर नालासोपाऱ्याहून विरारकडे जाणारी लोकल वाहतूक सुरळीत सुरू झाल्या आहेत.

ऐन गर्दीच्या वेळी रेल रोको आंदोलन केल्यामुळे प्रवाशांचे हाल झाले होते. नालासोपाऱ्यात नागरिकांनी रेल रोकोला उत्स्फुर्त प्रतिसाद दिला. नागरिकांनी रेल्वे ट्रॅकवर उतरून पाकिस्तानविरोधात जोरदार घोषणाबाजी केली. नालासोपारा रेल रोको आंदोलन जरी मागे घेतले असले तरी परिसरातील दुकाने, रिक्षा, वसई विरार पालिकेची बस सेवा, एसटी सेवाही बंद ठेवण्यात आल्या आहेत. रेल्वे ट्रॅकवर नागरिकांची मोठी गर्दी जमा झाली होती. या रेल रोको आंदोलनांमुळे लांब पल्ल्याच्या रेल्वे गाड्याेच वेळापत्रक विस्कळीत झाले होते. काही रेल्वे गाड्या नालासोपारा स्टेशन परिसरातच थांबल्या आहेत.

म्मू काश्मीरमधील पुलवामा येथे १४ फेब्रुवारी २०१९ रोजी झालेल्या दहशतवादी हल्ल्यात ४० जवान शहीद झाले. जम्मूहून श्रीनगरला जाणाऱ्या केंद्रीय राखीव पोलीस दलाच्या (सीआरपीएफ) ताफ्यावर हा भ्याड हल्ला करण्यात आला.  देशात जवानांवर झालेला हा आतापर्यंतचा सर्वांत मोठा हल्ला आहे

Continue Reading

मुंबई

#PulwamaAttack : नालासोपारामध्ये पुलवामा हल्ल्याच्या निषेधार्थ रेल रोको आंदोलन

News Desk

Published

on

मुंबई | जम्मू-काश्मीरमधील पुलवामा जिल्ह्यातील अवंतीपोरा भागात सीआरपीएफच्या ताफ्यावर दशतवाद्यांनी गुरुवारी (१४ फेब्रुवारी) झालेल्या हल्ल्यात ४० जवान शहीद झाले असून ५ जवान जखमी झाले आहेत. पुलवामा येथे झालेल्या भ्याड हल्ल्याच्या निषेधार्थ नालासोपारा येथे रेल रोको आंदोलन सुरू आहे. या रेले रोकोमुळे पश्चिम रेल्वेची वाहतूक विस्कळीत जाली आहे. या रेलरोकोमुळे नालासोपारा ते विरार या मार्गावरील वाहतूक ठप्प झाली आहे.

 

या हल्ल्याचा निषेध करण्यासाठी लोक रेल्वे ट्रॅकवर उतरले आहेत. त्यामुळे वसई ते विरार दरम्यान रेल्वेचा खोळंबा झाला असून पश्चिम रेल्वे विस्कळीत झाली आहे. ऐन कामाच्या वेळेला रेले रोकोमुळे प्रवाशांचे हाल होत असल्याचे कळत आहे.

जम्मू काश्मीरमधील पुलवामा येथे १४ फेब्रुवारी २०१९ रोजी झालेल्या आत्मघाती दहशतवादी हल्ल्यात ४० जवान शहीद झाले. जम्मूहून श्रीनगरला जाणाऱ्या केंद्रीय राखीव पोलीस दलाच्या (सीआरपीएफ) ताफ्यावर हा भ्याड हल्ला करण्यात आला.  देशात जवानांवर झालेला हा आतापर्यंतचा सर्वांत मोठा हल्ला आहे. सीआरपीएफच्या ताफ्यात एकूण ७८ वाहने होती. जैश-ए-मोहम्मदचा दहशतवादी आदिल अहमद दार उर्फ वक्कास याने लाटूमोड येथे ताफ्यावर ३५०  स्फोटकांनी भरलेली कार धडकवून हा आत्मघातकी हल्ला घडवला.

Continue Reading
February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या