मुंबई | ११ दिवसांच्या बाप्पांच्या मूर्तीचे विसर्जन वाजत गाजत झाले. पण आज नवसाला पावणारा आणि दरवर्षी संकष्टी चतुर्थीला विसर्जन होणारा गणपती अशी ख्याती असलेल्या ‘अंधेरीच्या राजा’ची आज विसर्जन मिरवणूक आहे. शुक्रवारी सायंकाळी सुरु होणारी ही मिरवणूक शनिवारी पहाटेपर्यंत सुरु राहील. उपनगरांमध्ये प्रसिद्ध झालेल्या अंधेरीच्या राजासाठी यावेळी रांजणगावातील महागणपती मंदिराचा देखावा उभारण्यात आला आहे.
अंधेरीचा राजा गणेश मंडळाकडून १९६७ पासून मूर्तीची प्रतिष्ठापना करण्यात येते. या मंडळासाठी दरवर्षी भक्तांकडून मूर्ती दिली जाते. यासाठी २०५६ या वर्षांपर्यंत भक्तांची प्रतिक्षायादी आहे. देशातील प्रसिद्ध मंदिरांचे देखावे साकार करणाऱ्या आझादनगर सार्वजनिक उत्सव समितीनने यंदा ८.५ फूटांची अंधेरीच्या राजाची मूर्ती यंदा अष्टविनायकापैकी प्रसिद्ध असलेल्या थेऊरच्या गणपती मंदिरात विसावली आहे. आज संध्याकाळी ६ वाजता आझाद नगर २ येथील गणेश मंडपातून अंधेरीच्या राजाच्या भव्यदिव्य अशी विसर्जन मिरवणूक निघणार आहे. त्यानंतर आझाद नगर, आंबोली, अंधेरी मार्केट, एस.व्ही.रोड, जयप्रकाश रोड, राजकुमार, अपना बाजार, चार बंगला, सातबंगला, गंगाभवन मार्गे वेसावे समुदकिनारी येत्या शनिवारी दुपारी पोहचेल.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
