नालासोपाऱ्यातील स्फोटके प्रकरणी घाटकोपरमध्ये एटीएसकडून एकाला अटक

मुंबई | नालासोपारा स्फोटक प्रकरणात एटीएसने घाटकोपरमधून अविनाश पवार या ३० वर्षीय तरुणाला अटक करण्यात आली आहे. नालासोपाऱ्यातील सनातन संस्थानच्या साधकास वैभव राऊत यांच्या घरी (९ ऑगस्ट) एटीएसला स्फोटके सापडली होती. या प्रकरणी एटीएसने वैभव राऊत, शरद कळसकर, सुधन्वा गोंधळेकर आणि श्रीकांत पांगारकर या पाच जणांना अटक केली आहे.

वैभव राऊत यांच्या घरातून २२ गावठी बॉम्ब, डिटोनेटर आणि बॉम्ब तयार करण्याचे साहित्य जप्त करण्यात आले होते. राज्यात सणा-उत्सवात घातपात घडवून आणण्याचा मोठा कट होता. परंतु एटीएसने हा कट उधळून लावला. अविनाश पवार हा कट्टर हिंदुत्त्ववादी कार्यकर्ता असून तो सनातन संस्था आणि इतर हिंदुत्त्ववादी संघटनांना मानतो. अविनाश हा सरकारी नोकरीत कामाला करत असून दोन वर्षापुर्वी या संघटनांच्या माध्यमातून तो या पाच जणांच्या संपर्कात आला.