बदलापूरमधील केमिकल कंपनीला भीषण आग

ठाणे | बदलापूरमध्ये केमिकल कंपनीला आज (४ जानेवारी) भीषण आग लागल्याची घटना घडली आहे. माणकीवली एमआयडीसीतील प्लॅटीनम पॉलिमर कंपनीला आग लागली आहे. आग लागल्याची माहिती मिळाताच अग्निशमन दलाच्या ६ गाड्या घटनास्थळी दाखल झाल्या आहेत.

#Maharashtra: Fire breaks out at a chemical factory in Badlapur, Thane district. 6 fire tenders present at the spot

— ANI (@ANI) January 4, 2019

आग विझविण्यासाठी खाजगी गाड्या देखील पाठविण्यात आल्या आहेत. या आगीत अद्याप जीवितहानी झाली नसून किती जण जखमी झाले यांची माहिती मिळाली नाही. अग्निशमन दलाकडून आग विझवण्यासाठी शर्थीचे प्रयत्न सुरू आहेत. बदलापूर, अंबरनाथ, उल्हासनगर अग्निशमन दलाच्या गाड्या घटनास्थळी दाखल झाल्या आहेत. आगीचे नेमके कारण अद्याप समजू शकलेले नाही.