मुंबई | कल्याण येथे राहणारी तेवीस वर्षांची द्रविता सिंग गतवर्षी फेब्रुवारी महिन्यात लोकल ट्रेनच्या दरवाज्यात उभी राहून प्रवास करत होती. त्यावेळी एका मोबाईल चोराने तिच्यावर हल्ला केला . चोरामुळे जखमी झालेली द्रविता धैर्य आणि निश्चयाच्या बळावर पुन्हा एकदा स्वत:च्या पायावर उभी राहीली आहे.
यासाठी भाटिया रुग्णालयातील प्लास्टिक सर्जन डॉ. शैलेश रानडे आणि त्यांच्या टीमचे द्रविताने आभार मानले.या अपघातात जबर जखमी झालेल्या द्रविताला शुक्रवारी भाटिया रुग्णालयातून डिस्चार्ज देण्यात आला. रुग्णालयातील डॉक्टरांच्या मदतीने ती सध्या चालायचा प्रयत्न करत आहे.
लोकल ट्रेनच्या दारात उभी राहून ती फोनवर बोलत असताना रेल्वे सिंग्नलच्या खांबावर बसलेल्या एका १७ वर्षांच्या चोराने तिच्या डोक्यावर बांबूने आघात केला. हा हल्ला केल्यामुळे ती खाली पडली आणि शेजारच्या रुळावरून जाणाऱ्या ट्रेनखाली तिचा हात व पाय आला.
या रेल्वे ट्रेनमध्ये हल्ल्यात द्रविताने डाव्या हाताची करंगळी पूर्णपणे आणि मधल्या बोटाचा तसेच अनामिकेचा काही भाग गमावला आहेत. उजव्या पायाचा अंगठाही तीला गमवावा लागला. ट्रेन अंगावरून गेल्यामुळे डावा हात आणि उजवे पाऊल चिरडले गेले होते. तिने स्वत: पाऊल टाकून केलेली प्रगती तिच्या प्रकृतीतील पुढील सुधारणेसाठी अत्यंत महत्त्वाची आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
