मुंबई | अंधेरी पश्चिम येथील वीरा देसाई रोडवरील कदम नगर एसआरएच्या २२ मजली इमारतीला मंगळवारी (१३ नोव्हेंबर)ला रात्री ८. ३० च्या सुमारास लागली होती. ही आग १० आणि ११ व्या मजल्यावर लागली असून या घटनेची माहिती मिळताच अग्निशमन दलाचे जवान घटनास्थळी अग्निशमन दलाचे दाखल झाले. रहिवासी इमारत असल्याने अग्निशमन दलाच्या जवानांनी १० आणि ११ व्या मजल्यावर अडकलेल्या ५ पैकी ३ जणांना सुखरूप वाचवले आहे. तर दोन जणांचा धुरामुळे गुदमरून मृत्यू झाला.
या इमारतीच्या १० व्या मजल्यावरील १००१ क्रमांकाच्या फ्लॉटमध्ये ही आग लागली होती. या आगीत इलेक्ट्रीक शॉर्टसर्किट झाल्याने लाकडी फर्निचर आणि इतर घरातील वस्तुंमुळे आग ११ व्या मजल्यापर्यंत पसरली. तसेच २१ व्या मजल्यालाही काही झळा बसल्या. १००१ या फ्लॅटमधील हॉलमध्ये दोघांचे मृतदेह आढळून आले. विकी शर्मा (२५), सागर शर्मा (०७) असे मृत्यूमुखी पडलेल्यांची नावे असून लालकृष्ण शर्मा (५०) हे ३० टक्के भाजले गेले आहेत. लालकृष्ण यांच्यावर रुग्णालयात उपचार सुरू असून त्यांची प्रकृती ठीक आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
