मुंबई | मुंबईतील चायनीज गाड्यांवर सध्या निकृष्ट दर्जाचे चिकन दिले जात असल्याची धक्कादायक माहिती समोर आली आहे. मुंबईतील शिवडीमध्ये महापलिकेने टाकलेल्या धाडीत ही बाब उघड झाली आहे. रोगट, आधीच मेलेल्या कोंबड्या कापून त्याच चायनीज गाड्यांवर विकल्या जात असल्याने मुंबईकरांच्या जीवाशी खेळ होत आहे.
रस्त्यांवरील गाड्यांवर तुम्ही चायनीज खात असाल, तर ही बातमी वाचून तुम्हाला धक्का बसला असेल. शिवडी परिसरात अन्न आणि औषध प्रशासनाने मोठी कारवाई केली. शिवडीतल्या एका अनधिकृत झोपडीत २५ किलो खराब चिकन आढळून आले. हे खराब चिकन चायनीजच्या गाड्यांवर ३० रुपये किलो दराने विकले जात होते. हे चिकन कुजलेल्या अवस्थेत होते.
याप्रकरणी एकाला अटक करण्यात आली असून, आर ए किडवई नगर पोलिस ठाण्यात गुन्हा दाखल करण्यात आला आहे. चायनीजच्या गाड्यांवर पदार्थांमध्ये वापरले जाणारे चिकन हे निकृष्ट, कुजलेल्या, खराब कोंबड्यांचे असल्याचे आढळून आले. शिवडीत ज्या झोपडपट्टीत हे चिकन पकडलं ते तब्बल २५ किलो खराब, कुजलेले चिकन होते. काही दिवसांपूर्वीच शहापूर तालुक्यातील खर्डी येथे चायनीजचे काही पदार्थ खाल्ल्याने जवळपास ३० जणांना विषबाधा झाली होती. त्यामुळे तुम्ही जर गाड्यांवर चायनीज खात असाल, तर सावधान.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
