मुंबई | ज्येष्ट नेते नारायण राणेंच्या नावाची महाराष्ट्राच्या राजकारणात पुन्हा एकदा चर्चा सुरू झाली आहे. बुधवारी रात्री उशिरा राणे व त्यांचे सुपूत्र यांनी भाजप अध्यक्ष अमित शहा यांची नवी दिल्ली येथील निवासस्थानी भेट घेतली. या भेटीदरम्यान, मुख्यमंत्री उपस्थित असताना राणे यांना कोणते ना कोणते पद दिले जाण्याची शक्यता आहे.
राज्यसभेच्या सहा जागांसाठी येत्या काही दिवसांत मतदान होणार आहे. त्यामुळे राणे यांना राज्यसभेवर पाठवण्याचा एक पर्याय आहे. तसेच राज्य मंत्री मंडळात त्यांना स्थान देण्यावर चर्चा झाल्याचे समजते. ही पदे कधी व केव्हा दिली जाणार आहे, हे मात्र भाजपने अद्याप स्पष्ट केले नाही. त्यामुळे राणे यांच्या पदाचे भिजत घोंगडे अद्याप कायम आहे. असे असले तरी राणे यांच्या भेटीगाठीमुळे कॉँग्रेस व शिवेसनेच्या पोटात गोळा आला आहे.
कॉँग्रेसने नितेश राणे यांच्या भाजप अध्यक्ष भेटीवर नाराजी व्यक्त करत त्यांच्यावर कारवाई करण्याची मागणी केली आहे. तर राणे यांचा मंत्रिमंडळात समावेश केल्यास आम्ही स्वाभिमान दाखवून सत्तेतून बाहेर पडू असा इशारा शिवसेनेने नेहमीप्रमाणे दिला आहे. एकूण राणे यांच्यामुळे पुन्हा एकदा महाराष्ट्राचे राजकारण ढवळून निघाले आहे, हे मात्र निश्चित…
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
