संभाजी भिडेंच्या अटकेसाठी विधानभवनात निदर्शने

मुंंबई | भिमा कोरेगांव येथील हिंसाचार​ ​प्रकर​णी​​ मुख्य सुत्रधार असलेल्या ​मनोहर कुलकर्णी ऊर्फ ​संभाजी भिडें​ यां​ना मुख्यमंत्री देवेंद्र फडणवीस यांनी काल ​या प्रकरणी ​क्लीनचीट दिली. मात्र मुख्यमंत्र्यांनी दिलेल्या क्लीन चीटच्या विरोधात आणि ​संभाजी ​भिडेला अटक क​रा.

या​मागणी​साठी​ राष्ट्रवादी काँग्रेसचे अँड. जयदेव गायकवाड, प्रकाश गजभिये, विद्याताई चव्हाण आणि पीआरपीचे​ प्रा.​ जोगेंद्र कवाडे यांनी विधान भवनाच्या आवारात आंदोलन केले. विशेष म्हणजे या आंदोलना​त राज्यातील​ शिवसेना, भाजपा आणि काँग्रेस​ ​पक्षातील अनुसूचित जाती जमातीच्या ​मागासवर्गीय ​आमदारांनी​ या आंदोलना पासून​ स्वत:ला ​दूर​ ठेवले. ​भिमा कोरेगाव मधील​ ​हिंसाचार​ प्रकरणी संभाजी भिडे यांचा हात असल्याचा आरोप जवळपास सर्वच दलित​,आंबेडकरी,बहुजन​ संघटनांनी केला.

मात्र ​भिडे यांचा ​त्यामध्ये​ कोणताही सहभाग असल्याचा​,​ त्यांच्या सहभागाचे पुरावे मिळाले नसल्याचे सांगत मुख्यमंत्री फडणवीस यांनी भिडेंना विधानसभेत क्लीन चीट दिली. विशेष म्हणजे सभागृहातील विरोधी बाकावरील एकाही सदस्याने​ मुख्यमंत्र्यांच्या उत्तरावर​प्रतिप्रश्न करत मुख्यमंत्र्यांना जाब विचारला नाही. त्यामुळे मुख्यमंत्र्यांच्या कालच्या उत्तराचे पडसाद आज सर्व पक्षिय आमदारांमध्ये उमटण्याची शक्यता होती.

त्यातल्या त्यात काँग्रेसच्या ​मागासवर्गीय​ आमदार, रणजीत कांबळे, वर्षा गायकवाड, प्रणिती शिंदे तर शिवसेनेचे आमदार सुभाष साबणे, डॉ.बालाजी किणीकर, भिमराव तापकीर,​ डॉ.मिनचेकर,​ मनसेचे शरद सोनावणे, भाजपचे चरण वाघमारे, राजेश क्षिरसागर, विजय गिरकर यांच्यासह अनेक दलित समाजातील आमदारांनी या​ आंदोलनाकडे पाठ फिरविली.​ ​मात्र यावेळी राष्टवादीचे अॅड. जयदेव गायकवाड.प्रकाश गजभिये,विद्याताई चव्हाण,आणि पीआरपीचे प्रा.जोगेंद्र कवाडे ​या चार आमदारांनी संभाजी भिडेला अटक ​झाली पाहिजे अशा घोषणा देत विधानभवन परीसर दणाणून सोडला.