मुंबई | मुंबईच्या शिवाजी पार्कमध्ये दोन दिवसीय ‘श्री साई महासमाधी शताब्दी संमेलनाचे आयोजन येत्या 14 आणि 15 ऑक्टोबर ला करण्यात आले आहे. दक्षिण- मध्य मुंबईचे खासदार राहुल शेवाळे यांच्या पुढाकाराने आयोजित करण्यात आलेल्या या संमेलनाला मुंबईतून सुमारे दीड लाख साई भक्त उपस्थित राहण्याची शक्यता आयोजकांनी वर्तविली आहे.
सद्गुरू श्री साईबाबांनी शिर्डी येथे ज्या दिवशी देह ठेवला, त्या दिवसाला 100 वर्ष पूर्ण होत आहेत. या निमित्ताने ‘श्री साई भक्त मंडळा’च्या वतीने या संमेलनाचे आयोजन करण्यात आले आहे. या संमेलनात श्री साईसच्चरीत ग्रंथ, श्री स्वामी समर्थ चरित्र ग्रंथ आणि श्री गजानन महाराज विजय ग्रंथ यांचे अखंड पारायण होणार आहे. भजन- कीर्तन यांच्या गजराने शिवाजी पार्कचा परिसर भक्तिमय होणार असून मुंबईतील साई मंडळे आणि साई मंदिरांचेही एक छोटेखानी संमेलन यावेळी होणार आहे. मुंबईत पहिल्यांदाच मोठ्या प्रमाणावर आयोजित करण्यात येणाऱ्या या महासमाधी शताब्दी सोहळ्याला सर्व साई भक्तांनी आवर्जून उपस्थित रहावे, असे आवाहन आयोजकांनी केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
