मुंबई भारताच्या पंतप्रधानपदासारख्या जबाबदार पदावरील व्यक्तीने देशातल्या सुशिक्षीत तरूणांना नोकऱ्या उपलब्ध करून देण्याऐवजी पकोडे तळण्याचासल्ला देणे, हे बेजबाबदारपणाचे लक्षण असून बेरोजगारांच्या जखमेवर मीठ चोळण्याचा हा प्रकार असल्याचा आरोप राष्ट्रवादी काँग्रेसचे मुंबईअध्यक्ष मा. सचिन अहिर यांनी केला आहे. पंतप्रधानांनी दिलेल्या या बेजबाबदार सल्ल्याचा निषेध म्हणून मा. अहिर यांच्या आदेशानुसार राष्ट्रवादीविद्यार्थी काँग्रेस वरळी तालुका अध्यक्ष अभिजित गजापूरकर यांच्या नेतृत्वाखाली गुरुवारी सकाळी १०:३० वा. वरळी कोळीवाडा येथे ग्रैज्यूएटपकोडा स्टॉल लावून अनोख्या पद्धतीने आंदोलन करण्यात आले.
राष्ट्रवादी विद्यार्थी काँग्रेसच्या आंदोलनाबाबत विचारले असता मा. अहिर म्हणाले की, या सरकारने सत्तेवर येण्यापूर्वी सर्वसामान्यांच्या अपेक्षाअव्वाच्या सव्वा वाढवून ठेवल्या. देशाच्या दरडोई उत्पन्नात वाढ करून नवे रोजगार उपलब्ध करून देऊ, नवे उद्योग आणू, अशा एक ना अनेकघोषणा देत सरकारने सर्वसामान्यांची मते मिळवली. प्रत्यक्षात सरकार आल्यावर मात्र आपणच केलेल्या घोषणांची पूर्तता करण्यात सरकारलासंपूर्णपणे अपयश आले. देशाचा विकास खुंटला, अर्थव्यवस्था मंदावली, दरडोई उत्पन्नात घट झाली, सकल राष्ट्रीय उत्पन्न घटले, उद्योगांनीकाढता पाय घेतला तसेच नवीन रोजगार निर्मितीही थंडावली. इतकेच नव्हे तर उपलब्ध असलेले रोजगारही नोटबंदी सारख्या निर्णयामुळेसर्वसामान्यांपासून हिरावले गेले. यावर उपाययोजना करण्याऐवजी पंतप्रधान सुशिक्षित बेरोजगारांना जर पकोडे तळण्याचे सल्ले देत असतील तरहा सुशिक्षित बेरोजगारांचा अपमान आहे. पंतप्रधानांच्या या बेजबाबदार वक्तव्याच्या निषेधार्थ आम्ही मुंबईभरात आंदोलन करत असून भाजपचागरीबरथ ज्या ज्या ठिकाणी जाईल त्या त्या ठिकाणी आमचे कार्यकर्ते पकोड्यांचे स्टॉल लावून सर्वसामान्यांना स्वस्त दरात पकोडेे उपलब्ध करूनदेतील, अशी माहिती मा. अहिर यांनी दिली. दरम्यान वरळी कोळीवाडा येथे आज झालेल्या तर राष्ट्रवादी काँग्रेसच्या आंदोलनाला सर्वसामान्यनागरिकांचाही उत्स्फूर्त प्रतिसाद लाभला.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
