मुंबई | मुंबई मधील प्रसिद्ध मंडळांपैकी असलेल्या काळाचौकीच्या महागणपतीसाठी गतवर्षी डिजनीलॅण्ड हे भव्य दिव्य आकर्षण गणेश भक्तांसाठी करण्यात आले होते. म्हणून यंदा उत्सुकता वाढली असेल तर, यंदा काळाचौतिच्या महागणपतीच्या छोटा भीम हे खास आकर्षण असणार आहे.
यंदा ६३ व्या वर्षात दणक्यात पदार्पण करणारे काळाचौकी विभाग सार्वजनिक उत्सव मंडळ यंदाही गणेशोत्सव काळात लहानग्यांसाठी नवीन संकल्पना राबविणार आहे. छोटा भीम आणि त्याच्या सवंगड्यांना बच्चे कंपनीच्या मनोरंजनासाठी काळाचौकी नगरीत अवतरवण्यात येणार आहे. हा देखावा मंडळाचे अध्यक्ष विजय लिपारे आणि सेक्रेटरी शेखर साळवी यांच्या संकल्पनेतून आला आहे. काळाचौकी विभाग सार्वजनिक उत्सव मंडळ दरवर्षी पाटपूजन सोहळ्यासह महागणपतीचे आगमन, विसर्जन पारंपारिक पध्दतीत साजरा करते. तसेच गणेशोत्सव काळात मुलांसाठी वेगवेगळ्या संकल्पनाही राबवते. याआधीही मंडळाने टेम्पल रन, जंगल बुक आणि डिजनीलॅण्ड अशा संकल्पना राबविल्या आहेत.
दिवंगत मुर्तीकार विजय खातू यांच्या कारखान्यातून घडवलेली, भक्तांना मोहात टाकणारी भव्य अशी महागणपतीची मुर्ती आणि त्याभोवती केलेल्या सजावटीला गणेश भक्तांनीही भरभरून प्रतिसाद दिला आहे. त्यामुळेच या मंडळाला अनेक उत्कृष्ट पुरस्कारांनी गौरविण्यात आले आहे. यंदाही मंडळाने लहान मुलांचे मनोरंजन करण्यासाठी ‘छोटा भीम आणि त्याचे सवंगडी’ हा देखावा उभारण्याचा निर्णय घेतला आहे. अभिषेक ज्ञानेश्वर शेलार हे या देखाव्याची सजावट करणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
