अधिवेशनाच्या अखेरच्या दिवशी शिवसेनेचे पक्षप्रमुख उद्धव ठाकरे आणि मुख्यमंत्री देवेंद्र फडणवीस यांची भेट होणार होती. संध्याकाळी 5.45 ची वेळ निश्चित करण्यात आली होती. पण विधानसभेत मुख्यमंत्री अंतिम आठवडा प्रस्तावावर उत्तर देत होते. त्यामुळे ही भेट तासाभराने पुढे ढकलण्यात आली होती.
उद्धव ठाकरे आज पहिल्यांदाच विधानभवनात जाऊन मुख्यमंत्री देवेंद्र फडणवीस यांची भेट घेणार होते. पण ही भेट आता रद्द झाली. उद्धव ठाकरे तब्बल अडीच तास वाट पाहुन ‘मातोश्री’वर परतले. बैठकीची वेळ पुन्हा बदलली आणि ती ६:४५ वाजता ठरली. मात्र त्याचवेळी विधान भवनात नारायण राणे आले. त्यांना मुख्यमंत्री तात्काळ भेटले. उद्धव ठाकरेंच्या आधी मुख्यमंत्री नारायण राणेंना भेटले ही माहिती उद्धव ठाकरेंपर्यंत पोहताच. तात्काळ मातोश्रीकडे रवाना झाले.
मुख्यमंत्र्यांसोबत नियोजित बैठक तडकाफडकी रद्द झाली. हे समजताच विधान भवनाच्या मुख्य गेटवर स्वागतासाठी उभे असलेल्या शिवसेनेच्या मंत्र्यांनमध्ये आणि आमदारांमध्ये आपआपसात चर्चा सुरू झाली. मात्र कुणीही माध्यमांकडे न बोलता सरळ पुन्हा विधान भवनात निघून गेले. या अचानक झालेल्या नाट्यमय घडामोडीमुळे विधान भवनात राजकिय चर्चांना उधाण आलंय.
दरम्यान, मुख्यमंत्र्यांनी उद्धव ठाकरे यांना फोन करुण चर्चा केली. आणि नियोजित बैठक रद्द झाल्यामुळे दिलगिरी व्यक्तं केली.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
