मुंबई | मुंबईची जीवन वाहिनी समजल्या जाणाऱ्या लोकलच्या देखभाल व दुरुस्तीचे काम करणाऱ्या चतुर्थ श्रेणीच्या कर्मचाऱ्यांना थायलँड वारी घडवून आणण्याचे कौतुकास्पद पाऊल पश्चिम रेल्वेने उचले आहे. रेल्वेच्या ५२ चतुर्थ श्रेणी कर्मचाऱ्यांना थायलँडमध्ये पर्यटनासाठी पाठवले आहे. यामध्ये गँगमन, ट्रॅकमन आणि सफाई कर्मचाऱ्यांचा समावेश आहे. हे पथक शनिवारी रवाना झाले असून पाच दिवसांनंतर ते मायदेशात परतणार आहेत. या सहलीसाठी त्यांनी थॉमस अँण्ड कूक या ट्रॅव्हल कंपनीसोबत करार केला आहे.
या ट्रीपच्या एकूण खर्चापैकी फक्त ३३ टक्के रक्कम कर्मचाऱ्यांकडून घेण्यात आली. उर्वरित सर्व रक्कम कर्मचारी कल्याण निधीतून खर्च करण्यात येणार आहे. रेल्वेने टी-शर्ट, टोप्या आणि ट्रॉली बॅग देऊन या कर्मचाऱ्यांना रवाना केले. पश्चिम रेल्वेच्या इतिहासात पहिल्यांदाच अशी सहल आखण्यात आली, असे पश्चिम रेल्वेचे मुख्य जनसंपर्क अधिकारी रवींद्र भाकर यांनी सांगितले. ५२ जणांच्या या पथकात २० महिला, २८ पुरुष आणि ४ टूर कॉर्डिनेटर सहभागी झाले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
