विरार | पर्यावरणप्रेमी आणि वकील अफरोज शाह यांच्या नेतृत्वाखालील ‘वर्सोवा किनारा स्वच्छता मोहिमेला मंगळवारी सुरुवात झाली. संयुक्त राष्ट्रांनी जगातील सर्वात मोठ्या समुद्र किनारा म्हणून प्रसिद्ध असलेल्या वर्सोवा किना-यावर प्लास्टिकचे साम्राज्य दिसत आहे. या किना-याची स्वच्छता करण्यासाठी अफरोज शाह यांना सहकार्य करण्यासाठी प्लास्ट इंडिया फाउंडेशनने पुढाकार घेतला आहे. या मोहिमेसाठी प्रसिद्ध अभिनेते बिग बी अमिताभ बच्चन यांनी एक एक्सकेव्हेटर आणि ट्रॅक्टर दिला आहे.
या उपकरणांच्या हाताळणीचे काम प्लास्ट इंडिया फाउंडेशन एक वर्षाकरिता करणार आहे.या फाउंडेशनने बिईंग ओशियन फाउंडेशनच्या सहकार्याने ही मोहीम हाती घेतली आहे. गेले 137 आठवडे ही संस्था समुद्र किनाऱ्यावरील प्लास्टिक हटवण्याचे काम करत असून 13 द्शलक्ष किलो प्लास्टिक आणि कचरा स्वच्छ केला आहे. प्लास्ट इंडिया समुद्रकिनारे स्वच्छ करण्यासाठी काम करणारे नागरिक, एमसीजीएम आणि स्वयंसेवकांना मदत करण्यासाठी कटिबद्ध आहे.
प्लास्ट इंडिया फाउंडेशन’ला या मोहिमेसाठी आवश्यक असलेल्या एक्सकेव्हेटर आणि ट्रॅक्टरची देखभाल आणि मोहिमेच्या खर्चासाठी हातभार लावण्याची संधी मिळाली आहे, याचा आनंद आहे. समुद्राच्या पाण्यात कोणत्याही प्रकारचा अस्वच्छ पाणी, कचरा, प्लास्टिक टाकू नये यासाठी लोकांमध्ये जागरूकता निर्माण करणे हा आमचा उद्देश आहे. वर्सोवा किनाऱ्याची मोहीम यशस्वी होणे अत्यंत महत्त्वाचे आहे. कारण याच प्रकारची मोहीम अन्य किनाऱ्यांवर राबवता येईल. नागरिकांचा यात सक्रीय सहभाग असला तरच हे शक्य होऊ शकते. आणि देश स्वच्छ व सुंदर होऊ शकेल. समुद्र किनाऱ्यावर कचरा फेकू नका, किनारे अधिक सुंदर बनवा, देशाच्या प्रगतीला हातभार लावा’.असा आमचा साधा, सरळ संदेश असल्याचे प्लास्ट इंडिया फाउंडेशनचे अध्यक्ष के. के. सेकसरीया यांनी सांगितले.
या मोहिमेबाबत ‘चॅम्पियन्स ऑफ अर्थ’ हा पर्यावरण रक्षण क्षेत्रातील सर्वोच्च सन्मान मिळवलेले अफरोज शाह यावेळी म्हटले की ‘ या उपक्रमाला मी माझा वैयक्तिक प्रवास केला आहे आणि 1.6 अब्ज लोकांनीही याला आपल्या आयुष्याचा भाग बनवला पाहिजे. असे झाले नाही तर तंत्रज्ञान आणि व्यावसायिक क्षेत्रातील माणसे यांच्यात विसंवाद होत राहील, आणि त्यातून काहीही निष्पन्न होणार नाही. देशाभिमान आणि देशाविषयी प्रेम सकारात्मक पद्धतीने बाह्यस्वरुपात देखील व्यक्त झाले पाहिजे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
